Анатоль Радзівонік

Анатоль Радзівонік (пс. Олех; 20 лютага 1916(1916-02-20), Бранск, Арлоўская губерня — 12 мая 1949(1949-05-12)) — удзельнік польскага падполля, адзін з камандзіраў Арміі Краёвай у Заходняй Беларусі.

Анатоль Радзівонік
Род дзейнасці	настаўнік
Дата нараджэння	20 лютага 1916(1916-02-20)
Месца нараджэння	Бранск, Бранскі павет[d], Арлоўская губерня, Расійская імперыя
Дата смерці	12 мая 1949(1949-05-12) (33 гады)
Грамадзянства	Польская Рэспубліка
Бітвы/войны	Другая сусветная вайна
Медыяфайлы на Вікісховішчы

Біяграфія

Нарадзіўся ў 1915 годзе ў Бранску ў сям'і эвакуаваных з Ваўкавыска. У пачатку 1920-х гадоў сям'я вярнулася на радзіму. Скончыў настаўніцкую семінарыю ў Слоніме.

Працаваў настаўнікам у школе ў Ішчальнянах каля Шчучына. У 1938 годзе быў прызваны ў войска, дзе скончыў курс падхарунжых пяхоты. Вярнуўся да настаўніцкай працы ў Ішчальнянах.

З пачаткам Другой сусветнай вайны далучыўся да польскай канспірацыі. У 1943 годзе камандаваў адной з падпольных груп у Шчучынскай акрузе Арміі Краёвай. З зімы 1944 года быў камандзірам узводу ў складзе 7-га батальёна 77-га пяхотнага палка Арміі Краёвай. Здзейсніў шэраг нападаў на нямецкія гарнізоны.

У пачатку ліпеня 1944 года Радзівонік вырушыў са сваім батальёнам у кірунку Вільні, каб прыняць удзел у аперацыі «Вострая Брама». Партызаны не змаглі ў час прыбыць на месца збору, што дазволіла ім пазбегчы раззбраення і савецкага палону.

Уключыўся ў антысавецкую барацьбу. Вясной 1945 года была створана новая падпольная акруга, якая ахоплівала тэрыторыю былых Лідскага і Шчучынскага паветаў. Радзівонік («Олех») быў прызначаны камандзірам акругі.

12 мая 1949 года каля Рачкаўшчыны аддзел Радзівоніка трапіў у засаду НКВД. Пры спробе прарыву акружэння Анатоль Радзівонік быў смяротна паранены.