Анатоль Уладзіміравіч Паўловіч

Анатоль Уладзіміравіч Паўловіч (нар. 20 ліпеня 1953, в. Зароўцы Шклоўскага раёна Магілёўскай вобласці) — беларускі інжынер і палітык.

Анатоль Уладзіміравіч Паўловіч
Нараджэнне	20 ліпеня 1953(1953-07-20) (71 год) Зароўцы, Старашклоўскі сельсавет, Шклоўскі раён, Магілёўская вобласць, Беларуская ССР, СССР
Адукацыя	Беларуска-Расійскі ўніверсітэт
Месца працы	Мінскі падшыпнікавы завод
Узнагароды	ганаровая грамата Нацыянальнага сходу Рэспублікі Беларусь

У Вікіпедыі ёсць артыкулы пра іншых людзей з прозвішчам Паўловіч.

Біяграфія

Скончыў Магілёўскі машынабудаўнічы інстытут, інжынер-механік. Працоўную дзейнасць пачаў інжынерам-тэхнолагам Адзінаццатага дзяржаўнага падшыпнікавага завода (ДПЗ-11) у горадзе Мінску. Працаваў намеснікам начальніка цэха, намеснікам начальніка аддзела, сакратаром парткама ДПЗ-11, намеснікам начальніка аддзела арэнднага прадпрыемства «Мінскі падшыпнікавы завод», галоўным тэхнолагам — начальнікам аддзела галоўнага тэхнолага адкрытага акцыянернага таварыства, намеснікам тэхнічнага дырэктара адкрытага акцыянернага таварыства.

Выбіраўся дэпутатам Палаты прадстаўнікоў Нацыянальнага сходу Рэспублікі Беларусь трэцяга і чацвёртага скліканняў^[1].

Узнагароды

Узнагароджаны юбілейным медалём «90 год Узброеных Сіл Рэспублікі Беларусь», медалём «За працоўныя заслугі», Ганаровай граматай Нацыянальнага сходу Рэспублікі Беларусь^[2].

Зноскі

1. ПАВЛОВИЧ АНАТОЛИЙ ВЛАДИМИРОВИЧ(недаступная спасылка)
2. ПАРЛАМЕНТ- Нацыянальны сход Рэспублікі Беларусь трэцяга склікання Архівавана 16 верасня 2020.