Андрэй Аляксандравіч Сідараў

Андрэй Аляксандравіч Сідараў (нар. 10 мая 1969, Віцебск) — беларускі інжынер і дэпутат.

Андрэй Аляксандравіч Сідараў
Нараджэнне	10 мая 1969(1969-05-10) (56 гадоў) Віцебск, Віцебская вобласць, Беларуская ССР, СССР

У Вікіпедыі ёсць артыкулы пра іншых людзей з прозвішчам Сідараў.

Біяграфія

Нарадзіўся 10 мая 1969 года ў Віцебску^[1].

Скончыў Магілёўскі машынабудаўнічы інстытут^[1].

Служыў у Савецкай арміі. Працаваў ва ўпраўленні механізацыі і спецработ № 140 будаўнічага трэста № 9 г. Віцебска; галоўным інжынерам Віцебскай механізаванай дыстанцыі пагрузачна-разгрузачных работ Віцебскага аддзялення Беларускай чыгункі"; дырэктарам прыватнага вытворча-гандлёвага ўнітарнага прадпрыемства «Вітбудтэхмаш»; генеральным дырэктарам прыватнай машынабудаўнічай кампаніі «Віцебскія пад’ёмнікі»^[1]. Генеральны дырэктар прыватнага вытворча-гандлёвага ўнітарнага прадпрыемства «Вітбудтэхмаш»^[1].

Дэлегат VII Усебеларускага народнага сходу^[1].

Выбраны ў 2024 годзе членам Савета Рэспублікі Нацыянальнага сходу Беларусі 8-га склікання ад Віцебскай вобласці (вылучаны ад Бешанковіцкага, Сенненскага, Талачынскага і Чашніцкага раёнаў)^[1]. Член Пастаяннай камісіі Савета Рэспублікі па эканоміцы, бюджэце і фінансах^[1].

Узнагароды

Узнагароджаны нагрудным знакам «Выдатнік Беларускай чыгункі».

Прысвоены ганаровыя званні:

• «Чалавек года Віцебшчыны — 2009» у намінацыі «Малы і сярэдні бізнес»;
• «Чалавек года Віцебшчыны — 2019» у намінацыі «Прамысловасць, гандаль і паслугі, фінансавая дзейнасць, малы і сярэдні бізнес»;
• «Віцебчанін года — 2017» у намінацыі «Мецэнат года»;
• «Лепшы кіраўнік года Віцебскай вобласці» па выніках працы за 2021 год^[1].