Андрэй Генадзевіч Шышкін

Андрэй Генадзевіч Шышкін (нар. 7 мая 1972, Рагачоў) — беларускі журналіст, галоўны рэдактар і дэпутат.

Андрэй Генадзевіч Шышкін

У Вікіпедыі ёсць артыкулы пра іншых людзей з прозвішчам Шышкін.

Біяграфія

Нарадзіўся 7 мая 1972 года ў горадзе Рагачове Гомельскай вобласці^[1].

Скончыў Санкт-Пецярбургскі дзяржаўны ўніверсітэт^[1].

Служыў у ваенна-марскім флоце СССР^[1]. Працаваў карэспандэнтам, рэдактарам аддзела гарадскога жыцця рэдакцыі рагачоўскай раённай газеты «Свабоднае слова»; намеснікам, выконваючым абавязкі галоўнага рэдактара гэтай установы^[1]. Галоўны рэдактар рэдакцыі газеты «Свабоднае слова»^[1].

Член Беларускага саюза журналістаў, абіраўся членам рады гэтай арганізацыі; быў дэпутатам раённага Савета дэпутатаў, старшынёй Рагачоўскай раённай арганізацыі РГА «Белая Русь»^[1].

Быў членам Савета Рэспублікі Нацыянальнага сходу Беларусі 7-га склікання^[1].

Узнагароды

Мае Падзячны ліст Прэзідэнта Рэспублікі Беларусь. Узнагароджаны ганаровымі граматамі Нацыянальнага сходу Беларусі, Міністэрства інфармацыі, Рагачоўскага райвыканкама, Рагачоўскага раённага Савета дэпутатаў, «Беларускага саюза журналістаў», Гомельскай абласной арганізацыі «Белай Русі»; адзначаны нагрудным знакам «Выдатнік друку Беларусі» і інш.^[1].