Андрэй Юр’евіч Акунькоў

Андрэй Юр’эвіч Акунькоў (нар. 26 ліпеня 1969, Масква) — расійскі і амерыканскі матэматык, лаўрэат Філдсаўскай прэміі. Асноўныя працы прысвечаны тэорыі ўяўленняў і яе дадаткам да алгебраічнай геаметрыі, матэматычнай фізіцы, тэорыі верагоднасцяў і тэорыі спецыяльных функцый.

Андрэй Юр’евіч Акунькоў
Род дзейнасці	матэматык, выкладчык універсітэта
Дата нараджэння	26 ліпеня 1969(1969-07-26)[1] (56 гадоў)
Месца нараджэння	Масква, РСФСР, СССР
Грамадзянства	Расія  ЗША
Месца працы	Прынстанскі ўніверсітэт Каліфарнійскі ўніверсітэт у Берклі Чыкагскі ўніверсітэт Калумбійскі ўніверсітэт[2]
Альма-матар	механіка-матэматычны факультэт МДУ[d] МДУ[3]
Член у	Амерыканская акадэмія мастацтваў і навук[4] Нацыянальная акадэмія навук ЗША[5] Шведская каралеўская акадэмія навук
Узнагароды і прэміі	Філдсаўская прэмія (2006) стыпендыя Пакардаў па навуцы і інжынерыі[d] (2001)
Сайт	web.math.princeton.edu/~…
Медыяфайлы на Вікісховішчы

Член Нацыянальнай акадэміі навук ЗША (2012) і Амерыканскай акадэміі мастацтваў і навук (2016).

Біяграфія

Вучыўся ў маскоўскай 204-й школе. Паступіў на эканамічны факультэт МДУ, дзе правучыўся да прызыву ў войска. Прайшоўшы тэрміновую службу ва ўзброеных сілах, перавёўся на мехмат МДУ, які скончыў у 1993 годзе. У час вучобы выкладаў у Эканоміка-матэматычнай школе пры МДУ. Выпускнік аспірантуры Незалежнага Маскоўскага ўніверсітэта. Абараніў кандыдацкую дысертацыю ў МДУ ў 1995 годзе пад кіраўніцтвам Аляксандра Кірылава.

Першыя працы адносіліся да тэорыі ўяўленняў і да тэорыі выпадковых матрыц, працаваў у супрацоўніцтве з Рыгорам Альшанскім і Аляксеем Барадзіным.

Метадамі статыстычнай фізікі вывучаў формы паверхняў крышталяў, сродкамі алгебраічнай геаметрыі выявіў наяўнасць плоскіх участкаў мяжы і вылічыў іх лік, пасля гэтыя вынікі атрымалі эксперыментальнае пацверджанне.

У 1996 годзе Акунькоў пераехаў у ЗША, дзе працаваў дацэнтам (assistant professor) у Каліфарнійскім універсітэце ў Берклі, а з 2002 года па 2010 год — прафесарам Прынстанскага ўніверсітэта.

У 2004 годзе зрабіў пленарны даклад на Еўрапейскім матэматычным кангрэсе.

У 2006 годзе на XXV Міжнародным матэматычным кангрэсе ў Мадрыдзе Акунькову была прысуджана Медаль Філдса «за дасягненні, якія злучаюць тэорыю верагоднасцяў, тэорыю ўяўленняў і алгебраічную геаметрыю».

Зноскі

1. MacTutor History of Mathematics archive — 1994. Праверана 22 жніўня 2017.

   <a href='https://wikidata.org/wiki/Track:Q547473'></a>
2. http://www.math.columbia.edu/~okounkov/
3. Матэматычная генеалогія — 1997.

   <a href='https://wikidata.org/wiki/Track:Q829984'></a>
4. https://www.amacad.org/person/andrei-okounkov
5. http://www.nasonline.org/member-directory/members/20027233.html