Антаніна Аляксееўна Бялова

Антаніна Аляксееўна Бялова (24 снежня 1924, г. Талдам, Маскоўская вобласць, РСФСР — 30 ліпеня 1993) — беларуская мастачка, мастачка-пастаноўшчыца, жывапісец, мастачка па касцюмах.

Антаніна Аляксееўна Бялова
Дата нараджэння	24 снежня 1924(1924-12-24)
Месца нараджэння	Талдам, Гарадское паселішча Талдам[d], Талдамскі раён[d], Маскоўская вобласць
Дата смерці	30 ліпеня 1993(1993-07-30) (68 гадоў)
Грамадзянства	Беларусь
Род дзейнасці	мастак кіно, мастачка, мастак-пастаноўшчык, дызайнер касцюмаў
Вучоба	Арлоўскае мастацкае вучылішча[d] (1941) Усерасійскі дзяржаўны ўніверсітэт кінематаграфіі імя С. А. Герасімава (1951)
Уплыў	Фёдар Сямёнавіч Багародскі[d] і Пётр Котаў[d]
Член у	Беларускі саюз мастакоў
Узнагароды

У Вікіпедыі ёсць артыкулы пра іншых людзей з прозвішчам Бялова.

Біяграфія

Нарадзілася 24 снежня 1924 года ў горадзе Талдам Маскоўскай вобласці. У 1939–1941 гадах навучалася ў Арлоўскім мастацкім вучылішчы. У 1951 годзе скончыла Усесаюзны дзяржаўны інстытут кінематаграфіі ў Маскве, дзе яе выкладчыкамі былі Ф. Багародскі, П. Котаў і К. Марозаў^[1].

З 1959 года ўдзельнічала ў мастацкіх выставах. З 1963 года працавала над сцэнічнымі касцюмамі^[1].

Член Беларускага саюза мастакоў з 1963 года. Памерла 30 ліпеня 1993 года^[1].

Творчасць

Працавала як мастак кіно і жывапісец. Працавала над сцэнічнымі касцюмамі, брала ўдзел у афармленні фільмаў «Чэмпіён свету» (кінастудыя імя М. Горкага), «Палеская легенда» і «Пасеялі дзяўчаты лён» (эскізы касцюмаў, Беларусьфільм)^[1].

Сярод жывапісных твораў — «Птушніца», «Сябры», «На рэпетыцыі», «Музыка», «Пачатак вясны», «Флёксы». Яе творы захоўваюцца ў Нацыянальным мастацкім музеі Беларусі^[1].

Узнагароды

У 1977 годзе ёй было прысвоена званне Заслужанай работніцы культуры Беларусі^[1].