Антонаўскі парк

Антонаўскі парк — парк на мяжы Партызанскага і Ленінскага раёна Мінска, частка Сляпянскай водна-паркавай сістэмы^[1]. Тэрыторыя абмежавана вуліцамі Судмаліса, Планёрнай, Партызанскім праспектам і завулкам Клумава^[2].

Антонаўскі парк
Асноўная інфармацыя
Тып	парк
Дата заснавання	1928
Размяшчэнне
53°53′19″ пн. ш. 27°36′00″ у. д.HGЯO
Раён	Партызанскі раён, Ленінскі раён
Гістарычны раён	Антонаўка
Метро	Пралетарская (850 м)
Антонаўскі парк
Медыяфайлы на Вікісховішчы

Гісторыя

Антонаўскі парк

З сярэдзіны ХІХ стагоддзя на месцы паўночнай часткі парка існаваў фальварак Антонаўка, які належаў мінскаму архірэю Антонію Зубко.

У 1928 годзе побач з Антонаўкай быў урачыста адкрыты Антонаўскі парк. Большая яго частка пасля вайны адышла пад забудову^[3].

Парк быў добраўпарадкаваны ў другой палове 1970-х гадоў пасля стварэння Сляпянскай воднай сістэмы ў рэчышчы невялікай рэчкі Сляпянкі^[4].

9 студзеня 2007 года Мінскім гарадскім Саветам дэпутатаў парку была афіцыйна прысвоена назва «Антонаўскі парк»^[2].

Тэрапеўтычны парк

Па ініцыятыве Беларускага таварыства Чырвонага Крыжа ў маі 2018 года створаны тэрапеўтычны парк для пажылых і людзей з інваліднасцю. За сродкі мецэната былі пастаўлены лаўкі, кветнікі і сталы, вялікія шахматы. Над азеляненнем працавалі разам са спецыялістамі Цэнтральнага батанічнага саду НАН Беларусі, якія падабралі расліны пад мясцовы клімат, у тым ліку духмяныя расліны, кветкі рознай гамы і тэкстуры, якія прывабліваюць птушак і матылёў. Кветнікі зрабілі высокімі, каб пажылым наведвальнікам не нагінацца і паберагчы спіну. У тэрапеўтычным парку праводзяць аздараўленчыя праграмы: навучанне скандынаўскай хадзе, танцам і практыкаванням на баланс для прафілактыкі падзенняў^[5].

Зноскі

1. Указ Президента Республики Беларусь от 23.04.2003 N 165 "Об утверждении генерального плана г.Минска с прилегающими территориями и некоторых вопросах его реализации"
2. Аб прысваенні назваў вуліцы, скверам і мікрараёнам г. Мінска Архівавана 21 жніўня 2011.
3. Карта Минска как учебник истории
4. Антонаўскі парк(недаступная спасылка)
5. В Минске открыли терапевтический парк для пенсионеров, как в Сингапуре. 29 мая 2018 Архівавана 7 красавіка 2019.