Антон Уладзіміравіч Вавілаў

У Вікіпедыі ёсць артыкулы пра іншых людзей з прозвішчам Вавілаў.

Антон Уладзіміравіч Вавілаў (нар. 27 ліпеня 1949, Паставы, Віцебская вобласць) — беларускі спецыяліст у галіне будаўнічага і дарожнага машынабудавання, нетрадыцыйнай энергетыкі. Доктар тэхнічных навук (1991), прафесар (1992). Акадэмік Беларускай горнай акадэміі (1996), Беларускай інжынернай акадэміі (1997), член Расійскай акадэміі архітэктуры і будаўнічых навук (1999).

Антон Уладзіміравіч Вавілаў
Дата нараджэння	27 ліпеня 1949(1949-07-27) (76 гадоў)
Месца нараджэння	Паставы, Пастаўскі раён, Маладзечанская вобласць, Беларуская ССР, СССР
Грамадзянства	СССР  Беларусь
Род дзейнасці	навуковец, выкладчык універсітэта
Навуковая сфера	машынабудаванне
Месца працы	Навукова-практычны цэнтр НАН Беларусі па механізацыі сельскай гаспадаркі факультэт транспартных камунікацый БНТУ
Навуковая ступень	доктар тэхнічных навук
Навуковае званне	прафесар
Альма-матар	Навукова-практычны цэнтр НАН Беларусі па механізацыі сельскай гаспадаркі Беларускі дзяржаўны тэхналагічны ўніверсітэт
Член у	Расійская акадэмія архітэктуры і будаўнічых навук[d] Беларуская горная акадэмія Беларуская інжынерная акадэмія

Біяграфія

Скончыў Беларускі тэхналагічны інстытут (1971), Цэнтральны навукова-даследчы інстытут механізацыі і электрыфікацыі сельскай гаспадаркі (аспірантура, 1975).

Працаваў у Цэнтральным навукова-даследчым інстытуце механізацыі і электрыфікацыі сельскай гаспадаркі (1971—1982, навуковы супрацоўнік), Беларускім нацыянальным тэхнічным універсітэце (з 1982, НДЛ калёсных трактараў, старшы навуковы супрацоўнік; з 1983 — факультэт транспартных камунікацый, кафедра «Будаўнічыя і дарожныя машыны», з 1988 — загадчык кафедры, у 1996—2000 — прарэктар па вучэбнай рабоце).

Навуковыя інтарэсы: стварэнне многафункцыянальных энергазберагальных машын і сістэмы такіх машын для комплекснай механізацыі ў будаўніцтве; распрацоўка тэхнічных сродкаў для падрыхтоўкі і выкарыстання нетрадыцыйных і аднаўляльных крыніц энергіі.

Бібліяграфія

• Совершенствование ресурсосберегающей технологии и технических средств расчистки закустаренных земель в условиях Белоруссии : автореферат диссертации … доктора технических наук : 05.23.07 / Вавилов Антон Владимирович. — Москва, 1991.

Зноскі