Антыкліналь

Антыкліна́ль, антыклінальная складка^[1] — форма залягання пластоў горных парод, складка, павернутая пукатасцю ўверх.

Схематычны разрэз антыкліналі

Месца перагіну пластоў пароды называюць замком, паверхню, якае злучае перагіны — восевай паверхняй, бакі антыкліналі — крыламі.

У залежнасці ад становішча восевай паверхні і нахілу крылаў вылучаюць антыкліналі:

• прамая,
• нахіленая, перакуленая,
• ляжачая.

Паводле абрысу ў плане: лінейная (калі даўжыня значна перавышае шырыню), брахіантыкліналь (калі даўжыня некалькі большая за шырыню) і геалагічны купал (калі шырыня прыкладна роўная даўжыні).

Зноскі

1. Энцыклапедыя прыроды Беларусі. У 5-і т. Т. 1. Ааліты — Гасцінец / Рэдкал. І. П. Шамякін (гал. рэд.) і інш. — Мн.: БелСЭ імя Петруся Броўкі, 1983. — 575 с., іл. — 10 000 экз.