Ануфрый Тамаш Карытынскі

Ануфрый Тамаш Карытынскі (14 снежня 1719 — студзень 1770) — дзеяч каталіцкай царквы, паэт, перакладчык.

Ануфрый Тамаш Карытынскі
Род дзейнасці	паэт, перакладчык
Дата нараджэння	14 снежня 1719(1719-12-14)
Дата смерці	студзень 1770 (50 гадоў)
Месца працы	Гарадзенскі езуіцкі калегіум
Альма-матар	Ягелонскі ўніверсітэт Гарадзенскі езуіцкі калегіум

Біяграфія

Нарадзіўся ў Мазовіі. У 1735 годзе ўступіў у Вільні ў ордэн езуітаў. Вывучаў філасофію, выкладаў паэтыку ў Гародні (1744—1745). У 1745 выйшаў з ордэна. Вучыўся ў Кракаўскай акадэміі. У 1751—1752 жыў у Крыстынаполю ў Францішка Салезія Патоцкага  (польск.), потым у Боцьках у Караля Юзафа Сапегі. З 1754 года сакратар Гераніма Фларыяна Радзівіла ў Белай і Слуцку. Пасля яго смерці ў 1760 жыў у Марціна Матушэвіча ў Ратне. З 1761 года пры двары кракаўскага біскупа Каятана Ігнацы Солтыка  (польск.). З 1764 сакратар белзскага ваяводы Цэтнера.

Аўтар паэмы «Алькеніцкая бітва» (напісана ў 1760, часткова выдадзена ў 1841, цалкам — у 1843), вершаў у гонар сваіх апекуноў Аляксандра Аўгуста, Адама і Ізабелы Чартарыйскіх, Андрэя Замойскага  (польск.). Магчыма, з’яляецца аўтарам «Трэнаў над смерцю князя Гераніма Фларыяна Радзівіла» (Treny nad śmiercią Xcia Hieronima Floriana Radziwiłła, Вільня, 1766). Набыў вядомасць як перакладчык Гарацыя.