Апанас Паўлавіч Палітыка

У Вікіпедыі ёсць артыкулы пра іншых людзей з прозвішчам Палітыка (значэнні).

Апанас (Панас) Паўлавіч Палітыка (5 лютага 1935, в. Бродак, Крычаўскі раён, Магілёўская вобласць) — беларускі празаік, паэт. Псеўданімы Панасенка А., Піскун П., Панас А^[3].

Апанас Паўлавіч Палітыка
Асабістыя звесткі
Дата нараджэння	5 лютага 1935(1935-02-05)
Месца нараджэння	Бродак, Маляціцкі сельсавет, Крычаўскі раён, Беларуская ССР, СССР
Дата смерці	20 лістапада 2024(2024-11-20)[1][2][…] (89 гадоў)
Месца працы	Крычаўскае жыццё[d]
Прафесійная дзейнасць
Род дзейнасці	пісьменнік, празаік, паэт
Мова твораў	беларуская
Грамадская дзейнасць
Член у	Саюз беларускіх пісьменнікаў Саюз пісьменнікаў Беларусі

Біяграфія

Нарадзіўся 5 лютага 1935 года ў вёсцы Бродак Крычаўскага раёна ў сялянскай сям’і. У 1949 годзе скончыў 5 класаў Паланіцкай сямігодкі. Працягваць вучобу далей не меў магчымасці — у сям’і было 9 дзяцей, таму паехаў у Кіеў, паступіў у рамеснае вучылішча. У 1959—1960 гг. працаваў на Крычаўскім птушкакамбінаце, а з 1967 г., пасля заканчэння інстытута, — старшым выхавацелем школы-інтэрната ў Крычаве^[3].

З 1969 г. загадваў сельскагаспадарчым аддзелам Крычаўскай раённай газеты «Ленінскі кліч». У 1975 г. стаў карэспандэнтам-арганізатарам раённага радыёвяшчання, потым загадчыкам аддзела інфармацыі і радыёвяшчання раённай газеты^[3].

Член Саюза пісьменнікаў Беларусі з 1981 года^[3]. Член Магілёўскага абласнога аддзялення праўладнага Саюза пісьменнікаў Беларусі^[4].

Творчасць

Літаратурную працу пачаў у 1960 г. з вершаў на рускай мове. Першы верш апублікаваў у газеце «Магілёўская праўда». Празаічныя творы пісьменніка — апавяданні, аповесці — адметныя грунтоўным веданнем жыцця, цёплым гумарам, вострай сацыяльнай накіраванасцю, непрымірымымі адносінамі да негатыўных з’яў, якія перашкаджаюць нам жыць^[3].

Першы зборнік твораў Апанаса Палітыкі выйшаў у 1976 г. пад назвай «І ў хвост, і ў грыву». Аўтар кніг «Маўчанне навыперадкі», «Свой хлопец», «Праверка». У зборніку апавяданняў «Праверка» аўтар даследуе многія «язвы» нашага жыцця. Вядомы сваімі сатырычнымі творамі. Жыццё пісьменніка звязана з малой радзімай — Крычаўскай зямлёй, дзе жыве ён і сёння^[3].

Бібліяграфія

• «Маўчанне навыперадкі» (Мінск, (1980)
• «Свой хлопец» (Мінск, 1985)
• «Праверка» (Мінск, 1990)

Зноскі

1. Саюз пісьменнікаў Беларусі — 2005.

   <a href='https://wikidata.org/wiki/Track:Q2030908'></a>
2. 20 лістапада на 90-м годзе жыцця памёр член Саюза пісьменнікаў Беларусі Апанас Палітыка // (unspecified title)
3. Таленты ад роднай зямлi (нявызн.). catalog.library.mogilev.by. Праверана 6 студзеня 2024.
4. Могилевское областное отделение | Общественное объединение "Союз писателей Беларуси" (руск.). old.oo-spb.by. Праверана 3 студзеня 2024.