Апаратнае забеспячэнне

Апаратнае забеспячэнне, апаратныя сродкі, камп’ютарныя камплектуючыя, (англ.: hardware) — электронныя і механічныя часткі вылічальнай прылады, якія уваходзяць у склад сістэмы ці сеткі, за выключэннем праграмнага забеспячэння і даных (інфармацыі, якую вылічальная сістэма захоўвае і апрацоўвае). Апаратным забеспячэннем з’яўляюцца: камп’ютары і лагічныя прылады, вонкавыя прылады і дыягнастычная апаратура, энергетычнае абсталяванне, батарэі і акумулятары.

Распаўсюджванне камп’ютараў

Вялікая колькасць камп’ютараў убудавана ў іншыя прылады, напрыклад, у бытавую тэхніку, медыцынскае абсталяванне, мабільныя тэлефоны. Толькі малая частка камп’ютараў (каля 0,2 % усіх камп’ютараў, вырабленых у 2003 годзе) — гэта настольныя і мабільныя персанальная камп’ютары.

Персанальны камп’ютар

Тыповы персанальны камп’ютар складаецца з корпуса і наступных частак:

• мацярынская плата, на якой усталяваны цэнтральны працэсар (CPU) уключаючы сістэму астужэння, аператыўную памяць і іншыя часткі, а таксама слоты пашырэння
  • аператыўная запамінальная прылада (АЗП) і кэш (звычайна уваходзіць у склад CPU)
  • Пастаянная запамінальная прылада (ПЗП)
  • Шыны — PCI, PCI-E, USB, FireWire, AGP (састарэла), ISA (састарэла), EISA (састарэла)
• Блок сілкавання
• Кантролеры прылад захоўвання — IDE, SCSI, SATA, SAS ці іншых тыпаў, якія знаходзяцца непасрэдна на мацярынскай плаце (убудаваныя) альбо на платах пашырэння. Да кантролераў падлучаны цвёрды дыск, прывад гнуткіх дыскаў, CD-ROM і іншыя прылады.
• Накапляльнікі на зменных носьбітах
  • Прывады аптычных дыскаў
  • прывад гнуткіх дыскаў
  • стрымер
• Прылады захоўвання інфармацыі
  • Цвёрдыя дыскі (часам з магчымасцю аб’яднання ў RAID-масіў)
• Відэакантролер (убудаваны ці ў выглядзе платы пашырэння — гл. графічная плата), перадае сігнал на манітор
• Гукавы кантролер (гл. гукавая плата)
• Сеткавы інтэрфейс(см. сеткавая плата)

Акрамя таго, у апаратнае забеспячэнне таксама уваходзяць знешнія кампаненты — перыферыйныя прылады:

• Прылады ўводу
  • Клавіятура
  • Мыш, трэкбол ці тачпад
  • Джойстык
  • Сканер
• Прылады вываду
  • Манітор (прылада)
  • Калонкі/завушніцы
  • Прылады друку
    • Прынтар
    • Плотар
• Прылады захоўвання інфармацыі
  • Знешні дыск — HDD або SSD
  • Флэшка
  • Сеткавае сховішча
• Мадэм — для доступу ў Інтэрнэт

Гл. таксама

• Камп’ютарная тэхніка