Апунцыя

Апунцыя (Opuntia) — род шматгадовых сукулентных раслін сямейства Кактусавыя (Cactaceae). Па разнастайнасці відаў, колькасць якіх дасягае 190, гэты род з'яўляецца адным з самых буйных у сямействе.

Апунцыя
Opuntia ficus-indica
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Гваздзікакветныя Сямейства:  Кактусавыя Падсямейства:  Opuntioideae Трыба:  Opuntieae Род:  Апунцыя
Міжнародная навуковая назва
Opuntia Tourn.) Mill., 1754
Сістэматыка на Віківідах Выявы на Вікісховішчы ITIS   19686 NCBI   106975 EOL   37701 GRIN   g:8512 IPNI   50640-3

Апісанне

Сцёблы патоўшчаныя, сакаўныя, падзелены на членікі, укрытыя калючкамі і шматлікімі дробнымі тонкімі вышчарбленымі шчацінкамі (глахідыямі). Паводле формы членікаў апунцыі бываюць шарападобныя, цыліндрычныя і плрскія. Найбольш пашыраны формы з плоскімі членікамі. Лісце невялікае сакаўное, шылападобнае, рана ападае. Кветкі адзіночныя, двухполыя. Плады ягадападобныя.

Пашырэнне

Апунцыі распаўсюджаныя на шырокіх тэрыторыях Паўночнай і Паўднёвай Амерыкі, уключаючы Вест-Індыю. У Мексіцы, якая з'яўляецца галоўным раёнам росту роду, знаходзіцца амаль палова відаў апунцыі. Паводле легенды ацтэкаў, Тэначтытлан (цяперашні Мехіка) быў заснаваны на месцы, дзе расла апунцыя, на якой сядзеў арол, што пажыраў змяю. Гэтая сцэна з легенды адлюстравана на гербе Мексікі. Два віды апунцыі распаўсюджаны ў Афрыцы^[1].

Асобныя віды вырошчваюць у пакаёвай культуры.

Выкарыстанне

Выдзяляюцца дэкаратыўныя віды. Некаторыя даюць ядомыя плады.

Зноскі

1. Африка: энциклопедический справочник. Т. 2. Л—Я / Гл. ред. А. Громыко. Ред. колл. В. М. Власов, Н. И. Гаврилов и др. — М.: Советская энциклопедия, 1987. — С. 277. — 671 с. с илл.