Арсень Мікалаевіч Насонаў

У Вікіпедыі ёсць артыкулы пра іншых людзей з прозвішчам Насонаў.

Арсен Мікалаевіч Насонаў (27 жніўня 1898, Еўпаторыя — 23 красавіка 1965) — рускі гісторык. Доктар гістарычных навук (1944).

Арсен Мікалаевіч Насонаў
руск.: Арсений Николаевич Насонов
Дата нараджэння	15 (27) жніўня 1898[1]
Месца нараджэння	Еўпаторыя, Еўпатарыйскі павет[d], Таўрычаская губерня, Расійская імперыя[2]
Дата смерці	23 красавіка 1965(1965-04-23)[2] (66 гадоў)
Месца смерці	Масква, РСФСР, СССР[2]
Месца пахавання	Новадзявочыя могілкі
Грамадзянства	Расійская імперыя  СССР
Род дзейнасці	навуковец
Навуковая сфера	гісторыя, археаграфія, крыніцазнаўства, гістарычная геаграфія
Месца працы	Эрмітаж
Навуковая ступень	доктар гістарычных навук
Альма-матар	Санкт-Пецярбургскі дзяржаўны ўніверсітэт (1922)

Біяграфія

Скончыў у 1922 годзе Петраградскі ўніверсітэт. Працаваў у Дзяржаўным Эрмітажы, потым у маскоўскай групе Гістарычна-археалагічнага інстытуту АН СССР, Інстытуце гісторыі АН СССР. Вывучаў гісторыю Русі эпохі феадалізму, гістарычную геаграфію, крыніцазнаўства.

Выявіў і даследаваў больш за 1000 старажытных рукапісаў з летапіснымі тэкстамі, выдаў многія рускія летапісы. У працы «Руская зямля і ўтварэнне тэрыторыі старажытнарускай дзяржавы», якая выдадзеная ў 1951, даследаваў Полацкую, Тураўскую, Берасцейскую землі. Паводле яго меркаванняў, Літва ў 12 ст. размяшчалася на суседстве з Мінскам і плаціла даніну Полацку. Ён прааналізаваў працэс фарміравання і росту тэрыторыі Полацкай зямлі, прычыны барацьбы Полацка з Кіевам, а таксама выказаў меркаванне пра мясцовае паходжанне першага полацкага князя Рагвалода.

Зноскі

1. WorldCat Entities — OCLC, Inc., 2022. Праверана 15 красавіка 2025.

   <a href='https://wikidata.org/wiki/Track:Q112122720'></a><a href='https://wikidata.org/wiki/Track:Q190593'></a>
2. Насонов Арсений Николаевич // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>