Артур Уладзіміравіч Пуцята

Артур Уладзіміравіч Пуцята (нар. 3 верасня 1978, Асіповічы, Магілёўская вобласць) — беларускі спецыяліст у галіне рухомага саставу чыгункі, цягі паяздоў і электрыфікацыі. Доктар тэхнічных навук (2012), прафесар (2012). Рэктар Гомельскага дзяржаўнага тэхнічнага ўніверсітэта імя П. В. Сухога (з 2021 года).

Артур Уладзіміравіч Пуцята
Дата нараджэння	3 верасня 1978(1978-09-03) (46 гадоў)
Месца нараджэння	Асіповічы, Асіповіцкі раён, Магілёўская вобласць, Беларуская ССР, СССР
Грамадзянства	Беларусь
Род дзейнасці	выкладчык універсітэта
Месца працы	БелДУТ
Навуковая ступень	доктар тэхнічных навук (2012)
Альма-матар	БелДУТ (2000)
Прэміі	прэмія Нацыянальнай акадэміі навук Беларусі (2011)
Узнагароды	грамата Міністэрства адукацыі Рэспублікі Беларусь (2013)

У Вікіпедыі ёсць артыкулы пра іншых людзей з прозвішчам Пуцята.

Біяграфія

Скончыў Беларускі дзяржаўны ўніверсітэт транспарту (спецыяльнасць «Вагоны», кваліфікацыя «Інжынер-механік», 2000; аспірантура, 2004; дактарантура, 2011).

Выкладаў у Беларускім дзяржаўным універсітэце транспарту (механічны факультэт, у 2000—2012 — дацэнт кафедры «Тэхнічная фізіка і тэарэтычная механіка», 2012—2014 — вядучы навуковы супрацоўнік ГНДЛ «Тэхнічныя і тэхналагічныя ацэнкі рэсурсу адзінак рухомага саставу», 2014—2017 — загадчык кафедры «Дынаміка, трываласць і зносастойкасць транспартных сродкаў», з 2017 — в. а. загадчыка кафедры «Лакаматывы»).

11 сакавіка 2021 года прызначаны рэктарам Гомельскага дзяржаўнага тэхнічнага ўніверсітэта імя П. В. Сухога^[1].

Навуковыя інтарэсы: чыгуначны рухомы састаў; камп’ютарнае мадэляванне дынамікі і трываласці механічных сістэм.

Узнагароды

Грамата Міністэрства адукацыі Рэспублікі Беларусь (2013), прэмія НАН Беларусі (2011), стыпендыя Прэзідэнта Рэспублікі Беларусь (2007, 2014).

Зноскі

1. https://blr.belta.by/president/view/lukashenka-uzgadniu-naznachenne-novyh-rektarau-u-troh-universitetah-97672-2021/