Гомельскі дзяржаўны тэхнічны ўніверсітэт імя П. В. Сухога

Гомельскі дзяржаўны тэхнічны ўніверсітэт імя П. В. Сухога (ГДТУ імя П. В. Сухога) — вышэйшая навучальная ўстанова тэхнічнага профілю ў Гомелі.

Гомельскі дзяржаўны ўніверсітэт імя П. В. Сухога (ГДТУ імя П.В.Сухога)
Міжнародная назва	англ.: P.O. Sukhoi State Technical University of Gomel
Заснаваны	1968
Рэарганізаваны	ва ўніверсітэт
Год рэарганізацыі	1998
Тып	класічны
Рэктар	Артур Пуцята
Краіна	Беларусь  Беларуская ССР
Размяшчэнне	Беларусь, Гомель
Юрыдычны адрас	Беларусь, 246746, Гомель, пр-т Кастрычніка, 48
Сайт	gstu.by
Медыяфайлы на Вікісховішчы

Гісторыя

Заснаваны ў 1968 годзе як агульны факультэт Беларускага ордэна Працоўнага Чырвонага Сцяга політэхнічнага інстытута пры ВА «Гомсельмаш». З 1973 года — Гомельскі філіял Беларускага політэхнічнага інстытута. З 1981 года — Гомельскі політэхнічны інстытут. У 1995 годзе інстытуту прысвоена імя выдатнага беларускага авіяканструктара Паўла Восіпавіча Сухога, у 1998 годзе інстытут ператвораны ва ўніверсітэт і атрымаў цяперашнюю назву.

Структура

Падрыхтоўка спецыялістаў вядзецца па 22 спецыяльнасцях і 25 спецыялізацыях. Ва ўніверсітэце 7 факультэтаў і 1 інстытут:

• Механіка-тэхналагічны факультэт
• Факультэт аўтаматызаваных і інфармацыйных сістэм
• Энергетычны факультэт
• Гуманітарна-эканамічны факультэт
• Машынабудаўнічы факультэт
• Завочны факультэт
• Факультэт дауніверсітэцкай падрыхтоўкі
• Інстытут павышэння кваліфікацыі і перападрыхтоўкі

Ва ўніверсітэце 30 кафедраў. На дзённым аддзяленні навучаецца каля 4 тысяч чалавек, на завочным — каля 5 тысяч. Універсітэт мае тры вучэбныя корпусы (корпус № 1 (галоўны) з’яўляецца адным з будынкаў, афіцыйна зацверджаных сімваламі горада), лабараторны корпус цяжкага абсталявання (ЛКЦА), культурна-спартыўны комплекс, комплекс адкрытых спартыўных пляцовак, студэнцкі прафілакторый, тры інтэрнаты.

Рэктары [1]

• Васіль Пятровіч Стаўроў (1981—1986)
• Альберт Сямёнавіч Шагінян (1986—2000)
• Станіслаў Браніслававіч Сарэла (2001—2007)
• Сяргей Іванавіч Цімошын (2007—2021)
• Артур Уладзіміравіч Пуцята (з 2021)

Вядомыя выкладчыкі

• Леанід Гаўрылавіч Чубрыкаў (нар. ў 1926) — доктар тэхнічных навук, дацэнт (1973—1975, 1978—1994), прафесар кафедры «Тэарэтычныя асновы электратэхнікі» энергетычнага факультэта (1994—2014)^[2]

Зноскі

1. Гомельский государственный технический университет имени П. О. Сухого (руск.)
2. Чубриков Леонид Гаврилович // Сайт Гомельскага дзяржаўнага тэхнічнага ўніверсітэта імя П. В. Сухога (руск.)