Артыстона

Артыстона (стар.-перс.: Artastūnā, па-эламску: Ir-taš-du-na, Ir-da-iš-du-na, стар.-грэч.: Ἀρτυστώνη; каля 535 да н.э. — пасля 506 да н.э.) — прадстаўніца дынастыі Ахеменідаў, дачка Кіра II і, верагодна, Касанданы; жонка караля Дарыя І.

Артыстона
Нараджэнне	VI стагоддзе да н.э.
Смерць	V стагоддзе да н.э.
Род	Ахеменіды
Бацька	Кір II Вялікі
Маці	Касандана[d]
Муж	Дарый I
Дзеці	Арсам, Гобрый і Артазостра
Нацыянальнасць	персіянка
Веравызнанне	зараастрызм

Разам са сваёй сястрой Атосай і пляменніцай Парміс стала жонкай Дарыя I як задатак прызнання апошняга каралём Персіі. Паколькі была яшчэ цнатлівай, можна меркаваць, што нарадзілася каля 535 да н.э. Паводле Герадота, была ўлюбёнай жонкай. Узгадваецца таксама ў персепальскіх таблічках, адкуль вядома, што была дастаткова незалежнай ад свайго мужа: уласнаручна выдавала загады па забеспячэнні сваіх падначаленых у сваіх уласных мястэчках Міранду, Кукнака, Матанан.

Нарадзіла Дарыю прынамсі двух сыноў Арсама і Гобрыя і дачку Артазостру.

Была жыва яшчэ ў 506 да н.э., калі атрымала ад Фарнака сто авечак.

Зноскі