Архіварыус

«Архіварыус» — зборнік навуковых паведамленняў і артыкулаў, які рыхтуецца Нацыянальным гістарычным архівам Беларусі. Выдаецца ў Мінску з 2001 года на беларускай і рускай мовай раз на год^[1].

«Архіварыус»
Арыгінальная назва	Архіварыус
Тып	навуковы часопіс[d]
Выдавец	Дэпартамент па архівах і справаводстве Міністэрства юстыцыі Рэспублікі Беларусь і Нацыянальны гістарычны архіў Беларусі
Краіна	Беларусь
Галоўны рэдактар	Валянцін Фёдаравіч Голубеў
Заснавана	2001
Тэматыка	гісторыя, архівазнаўства[d], археаграфія, крыніцазнаўства і спецыяльныя гістарычныя дысцыпліны
Мова	беларуская і руская
Галоўны офіс	Мінск
ISSN	2225-4412

«Архіварыус» публікуе навуковыя даследаванні ў галіне гісторыі, архівазнаўства, тэарэтычнай і практычнай археаграфіі, крыніцазнаўства і сумежных спецыяльных гістарычных дысцыплін, а таксама інфармацыйныя матэрыялы, рэцэнзіі і водгукі на апублікаваныя працы^[1].

У 2012 годзе Вышэйшая атэстацыйная камісія Беларусі ўключыла «Архіварыус» у Пералік навуковых выданняў Рэспублікі Беларусь для апублікавання вынікаў дысертацыйных даследаванняў па гістарычных навуках^[1].

Рубрыкі

Матэрыялы зборніка структураваны паводле наступных рубрык^[1]:

• архівазнаўства;
• генеалогія і геральдыка;
• гісторыя;
• забеспячэнне захаванасці і ўлік дакументаў;
• крыніцазнаўства;
• мікрагісторыя і гісторыя штодзённасці;
• навукова-даведачны апарат;
• постаці архівістаў;
• публікацыя і археаграфічная апрацоўка архіўных дакументаў;
• рэцэнзіі.

Галоўныя рэдактары

• 2006—2016 — Юрый Мікалаевіч Бохан
• з 2017 — Валянцін Фёдаравіч Голубеў