Аршанскі каледж Беларускага дзяржаўнага ўніверсітэта транспарту

Аршанскі каледж — сярэдняя спецыяльная навучальная ўстанова ў г. Орша Віцебскай вобласці. Філіял Беларускага дзяржаўнага ўніверсітэта транспарту. Заснаваны ў кастрычніку 1929 года^[1] як Аршанскі эксплуатацыйны тэхнікум Заходняй чыгункі. З верасня 1944 года Аршанскі тэхнікум чыгуначнага транспарту.

Аршанскі каледж Беларускага дзяржаўнага ўніверсітэта транспарту
Дата заснавання	1929
Тып	каледж
Размяшчэнне	Беларусь
Адрас	Віцебская вобласць, г. Орша, вуліца Ціміразева, д. 26.
ogkjt.bsut.by

Прафесійная падрыхтоўка будучых чыгуначнікаў ажыццяўляецца ў 24 спецыялізаваных кабінетах і ў 16 лабараторыях вопытнымі выкладчыкамі вышэйшай і I катэгорыі, кандыдатамі тэхнічных навук. У цяперашні час у каледжы вядзецца навучанне на дзённым і завочным аддзяленнях.

З 1964 года ў каледжы працуе завочнае аддзяленне^[2].

Вядомыя выпускнікі

• Яўген Іванавіч Валадзько (1941—1998) — беларускі дзяржаўны дзеяч, начальнік Беларускай чыгункі, Заслужаны работнік транспарту Рэспублікі Беларусь.
• Васіль Іванавіч Гапееў (нар. 1951) — беларускі дзяржаўны дзеяч, дыпламат, начальнік Беларускай чыгункі.
• Уладзімір Ільіч Жарэла (нар. 1949) — начальнік Беларускай чыгункі.
• Уладзімір Міхайлавіч Лапцінскі — былы начальнік Магілёўскага аддзялення Беларускай чыгункі.
• Іван Рыгоравіч Паўлоўскі — былы міністр шляхоў зносін СССР.
• Генадзь Васілевіч Сяркуццеў (1937—2016) — вучоны ў галіне агульнай педагогікі, гісторыі педагогікі і адукацыі, доктар педагагічных навук, Заслужаны работнік адукацыі Рэспублікі Беларусь (1999).
• Анатоль Антонавіч Шнэйдар (нар. 1930) — беларускі журналіст, краязнаўца, кінарэжысёр.

Зноскі

1. О колледже
2. Каледж Аршанскі філіял УА Беларускі дзяржаўны ўніверсітэт транспарту. Аршанскі раён