Асацыяцыя Еўрапейскіх універсітэтаў

Асацыяцыя кінакампаній (EUA, англ.: European University Association — еўрапейская некамерцыйная арганізацыя, якая аб’ядноўвае ВНУ 46 краін Еўропы і з’яўляецца адным з ключавых элементаў адукацыйнай супольнасці ў Еўропе.

Асацыяцыя Еўрапейскіх універсітэтаў
Краіна	Бельгія[1]
Адміністрацыйны цэнтр	Брусель
Тып арганізацыі	university association[d]
Кіраўнік	Josep Maria Garrell Guiu[d][2]
Заснаванне
Дата заснавання	31 сакавіка 2001
Абарот	4,9 млн € (2020)[3]
Член у	European Higher Education Area[d] American Council on Education[d][4] International Association of Universities[d][5] Кааліцыя за паляпшэнне ацэнкі даследаванняў[d][6] UNESCO Global Open Science Partnership[d][7] European Quality Assurance Register for Higher Education[d][8]
eua.eu (англ.)

Гісторыя

Асацыяцыя была створана ў 2001 годзе з мэтай садзеяння развіццю ўніверсітэтаў у адпаведнасці з сучаснымі тэндэнцыямі вышэйшай адукацыі і ўзнікла ў выніку зліцця Асацыяцыі еўрапейскіх універсітэтаў і Канфедэрацыі Канферэнцый рэктараў Еўрапейскага Саюза.

Задачы асацыяцыі: распрацоўка адзінай сістэмы адукацыі і навуковых даследаванняў у Еўропе шляхам прадастаўлення падтрымкі і рэкамендацый сваім членам для павышэння якасці выкладання, навучання і навуковых даследаванняў.

Асацыяцыя іграе вырашальную ролю ў Балонскім працэсе і ўплывае на палітыку ЕС у галіне вышэйшай адукацыі, даследаванняў і інавацый. Дзякуючы ўзаемадзеянню з шэрагам іншых еўрапейскіх і міжнародных арганізацый, кантактам з Еўрапейскай камісіяй, парламентам і ключавымі асобамі, якія прымаюць рашэнні, асацыяцыя як голас еўрапейскіх універсітэтаў падтрымлівае і прасоўвае інтарэсы асобных інстытутаў і сектара вышэйшай адукацыі ў цэлым пры распрацоўцы і пераглядзе еўрапейскай палітыкі, праграм і інструментаў фінансавання.

Арганізацыя дае ўдзельнікам магчымасці для абмену перадавым вопытам, удзельнічаючы ў праектах і мерапрыемствах з удзелам шырокага круга ўніверсітэтаў, магчымасць атрымаць кансультацыі па такіх ключавых пытаннях, як фінансаванне і кіраванне фінансамі, забеспячэнне якасці і кіраванне, навучанне на працягу ўсяго жыцця, сумесныя даследаванні і інш.

Членства ў дадзенай асацыяцыі дазваляе ўдзельнічаць у семінарах, трэнінгах, канферэнцыях, праграмах павышэння кваліфікацыі.

Структура EUA

• вышэйшым органам EUA з’яўляецца Генеральная Асамблея, якая ўключае ўсіх членаў асацыяцыі, збіраецца штогод для выпрацоўкі стратэгічных напрамкаў дзейнасці асацыяцыі. Генеральная Асамблея выбірае Прэзідэнта асацыяцыі на 4 гады аднаразова. У адсутнасць Прэзідэнта ўсе паўнамоцтвы перадаюцца Віцэ-прэзідэнту (два віцэ-прэзідэнты).
• Калегія. Складаецца з прэзідэнта і васьмі ўдзельнікаў. Члены калегіі з’яўляюцца рэктарамі (у тым ліку і былымі) ВНУ-членаў асацыяцыі. Калегія сустракаецца не радзей трох раз у год. Асноўная функцыя Калегіі — рэалізацыя палітыкі ЕАУ, а таксама планаванне, арганізацыя і кантроль бягучай дзейнасці.
• Савет. Складаецца з прэзідэнта, членаў калегіі, старшыняў ці прадстаўнікоў усіх поўных калектыўных членаў асацыяцыі (нацыянальных канферэнцый рэктараў, універсітэцкія асацыяцыі і сеткі). Асноўная функцыя: прымаць палітыку ЕАУ і вызначаць прыярытэтнасць яе выканання. На пасяджэннях Савета разглядаюцца і зацвярджаюцца новыя члены Асацыяцыі.
• Сакратарыят. Арганізацыйная і тэхнічная падтрымка дзейнасці ЕАУ, складаецца з пяці аддзелаў.

Зноскі

1. https://www.lobbyfacts.eu/datacard/european-university-association?rid=81122172998-09
2. https://www.blanquerna.edu/ca/noticies/lexrector-de-la-universitat-ramon-llull-josep-maria-garrell-presidira-leuropean-university Праверана 22 красавіка 2023.
3. (unspecified title) Праверана 25 студзеня 2022.
4. https://web.archive.org/web/20240120080233/https://acememberdirectory.azurewebsites.net/ Праверана 20 студзеня 2024.
5. https://web.archive.org/web/20220525131836/https://www.iau-aiu.net/Members Праверана 25 мая 2022.
6. https://web.archive.org/web/20231109092552/https://coara.eu/coalition/membership/ Праверана 9 лістапада 2023.
7. https://web.archive.org/web/20220627102128/https://en.unesco.org/science-sustainable-future/open-science/partnership Праверана 30 чэрвеня 2022.
8. https://www.eqar.eu/about/eqar-structure/members/