Асвальда Марцінес

У Вікіпедыі ёсць артыкулы пра іншых людзей з прозвішчам Марцінес.

Асва́льда Даві́д Марці́нес А́рсэ (ісп.: Osvaldo David Martínez Arce; нар. 8 красавіка 1986, Луке, Парагвай) — парагвайскі футбаліст, паўабаронца мексіканскага клуба «Керэтара» і былы ігрок нацыянальнай зборнай Парагвая.

Асвальда Марцінес
Агульная інфармацыя
Поўнае імя	Асвальда Давід Марцінес Арсэ
Нарадзіўся	8 красавіка 1986(1986-04-08)[1] (39 гадоў) Луке[d], дэпартамент Сентраль[d], Парагвай
Грамадзянства	Парагвай
Рост	168 см
Вага	62 кг
Пазіцыя	вінгер
Інфармацыя пра клуб
Клуб	Керэтара
Нумар	8
Маладзёжныя клубы
2001—2002 Спартыва Лукенья 2002—2003 Лібертад
Клубная кар’ера[* 1]
2003—2008 Лібертад 155 (35) 2008—2011 Мантэрэй 115 (20) 2011—2012 Атлантэ 49 (15) 2013—2016 Амерыка 153 (15) 2017—2018 Сантас Лагуна 73 (8) 2019 Атлас 35 (6) 2020 Пуэбла 25 (4) 2021 Соль дэ Амерыка 9 (2) 2021— Керэтара 6 (0)
Нацыянальная зборная[* 2]
2008—2015 Парагвай 32 (1)
Узнагароды і медалі
Кубак Амерыкі Срэбра Аргенціна 2011
Колькасць гульняў і галоў за прафесійны клуб лічыцца толькі для розных ліг нацыянальных чэмпіянатаў, адкарэктавана станам на 4 верасня 2021. Колькасць гульняў і галоў за нацыянальную зборную ў афіцыйных матчах, адкарэктавана станам на 25 лютага 2017
Медыяфайлы на Вікісховішчы

Клубная кар’ера

Асвальда з’яўляецца выхаванцам клуба «Спартыва Лукенья». У 2002 годзе далучыўся да сталічнага клуба «Лібертад», дзе дэбютаваў у прафесійным футболе ва ўзросце 17 гадоў. У першым жа сезоне атрымаў залатыя медалі айчыннага чэмпіянату. У 2005 годзе, пасля таго як клуб узначаліў Херарда Марціна, малады ігрок пачаў больш часу праводзіць на пляцоўцы. У 2006 годзе Марцінес разам з клубам зноў стаў чэмпіёнам і дайшоў з клубам да фіналу Кубка Лібертадорэс.

У 2009 годзе перайшоў у склад мексіканскага клуба «Мантэрэй» за 2,2 млн еўра. 17 студзеня ў матчы супраць «Пуэблы» дэбютаваў у мексіканскім першынстве, адзначыўшыся забітым голам ужо на першай хвіліне паядынку. У тым ліку дзякуючы намаганням парагвайскага футбалісту «Мантэрэй» атрымаў перамогу ў чэмпіянаце Мексікі і Лізе чэмпіёнаў КАНКАКАФ.

Улетку 2011 года Асвальда перайшоў у клуб «Атлантэ», а ўзімку 2013 года заключыў кантракт з клубам «Амерыка». 6 студзеня 2013 года дэбютаваў за новы клуб у матчы супраць былой каманды «Мантэрэй».

У пачатку 2017 года перайшоў у «Сантас Лагуна». 2019 год правёў у складзе «Атласа», пасля гуляў за «Пуэблу». У студзені 2021 года вярнуўся ў Парагвай і далучыўся да клуба «Соль дэ Амерыка», а ў ліпені 2021 года зноў адправіўся ў Мексіку і стаў іграком «Керэтара».

Міжнародная кар’ера

За нацыянальную зборную Парагвая дэбютаваў 15 кастрычніка 2008 года ў матчы супраць зборнай Перу. Амаль праз два гады 12 кастрычніка 2010 года забіў першы гол за зборную ў браму зборнай Новай Зеландыі. Разам са зборнай атрымаў сярэбраныя медалі Кубка Амерыкі 2011.

Дасягненні

«Лібертад»:

• Чэмпіён Парагвая: 2006 (а), 2007 (к), 2008 (а), 2008 (к)

«Мантэрэй»:

• Чэмпіён Мексікі: 2009 (а), 2010 (а)
• Пераможца Лігі чэмпіёнаў КАНКАКАФ: 2011

«Амерыка»:

• Чэмпіён Мексікі: 2013 (к), 2014 (а)
• Пераможца Лігі чэмпіёнаў КАНКАКАФ: 2015, 2016

«Сантас Лагуна»:

• Чэмпіён Мексікі: 2018 (к)