Астрашыцкагарадоцкі сельсавет

Астрашыцкагарадо́цкі сельсавет^[1] — адміністрацыйна-тэрытарыяльная адзінка ў Мінскім раёне Мінскай вобласці Беларусі. Цэнтр — аграгарадок Астрашыцкі Гарадок.

Астрашыцкагарадоцкі сельсавет
Краіна	Беларусь
Уваходзіць у	Мінскі раён
Уключае	15 населеных пунктаў
Адміністрацыйны цэнтр	Астрашыцкі Гарадок
Дата ўтварэння	20 жніўня 1924
Старшыня	Андрэй Мікалаевіч Мацкевіч
Насельніцтва (2019)	7 031
Часавы пояс	UTC+03:00
Код аўтам. нумароў	5
Афіцыйны сайт

Утвораны 20 жніўня 1924 года ў складзе Астрашыцка-Гарадоцкага раёна Мінскай акругі БССР. Пасля скасавання акруговай сістэмы 26 ліпеня 1930 года ў Астрашыцка-Гарадоцкім раёне БССР. З 18 студзеня 1931 года сельсавет у межах гарадской рысы горада Мінска, з 26 мая 1935 года ў складзе Мінскага раёна БССР, з 20 лютага 1938 года — Мінскай вобласці. 9 жніўня 1979 года ў склад новаўтворанага Бараўлянскага сельсавета перададзены 3 населеныя пункты: вёскі Курганы, Лескаўка і пасёлак Вопытны^[2].

Насельніцтва сельсавета паводле перапісу 2009 года — 5730 чалавек^[3], з іх 86,5 % — беларусы, 9,7 % — рускія, 1,9 % — украінцы^[4]; паводле перапісу 2019 года — 7031 чалавек^[5].

Зноскі

1. Астрашыцкагарадоцкі сельсавет на сайце Дзяржаўнага цэнтра картографа-геадэзічных матэрыялаў і даных Рэспублікі Беларусь
2. Рашэнне выканкома Мінскага абласнога Савета народных дэпутатаў ад 9 жніўня 1979 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1979, № 27 (1617).
3. Колькасць насельніцтва населеных пунктаў Мінскай вобласці Беларусі паводле перапісу 2009 года
4. Этнічны склад насельніцтва сельсаветаў Беларусі паводле перапісу 2009 года
5. Колькасць насельніцтва населеных пунктаў Мінскай вобласці Беларусі паводле перапісу 2019 года