Атар Міхайлавіч Дадышкіліяні

У Вікіпедыі ёсць артыкулы пра іншых людзей з прозвішчам Дадышкіліяні.

Атар Міхайлавіч Дадышкілія́ні (руск.: Отар Михайлович Дадишкилиани; нар. 21 жніўня 1923(1923-08-21), Новачаркаск, Данская вобласць^[d]) — расійскі і беларускі балетмайстар, оперны рэжысёр. Заслужаны артыст РСФСР (1961), Заслужаны дзеяч мастацтваў Беларускай ССР (1970).

Атар Міхайлавіч Дадышкіліяні
Дата нараджэння	21 жніўня 1923(1923-08-21) (101 год)
Месца нараджэння	Новачаркаск, Данская вобласць[d], РСФСР, СССР
Грамадзянства	СССР  Расія
Жонка	Клара Мікалаеўна Малышава
Дзеці	Натэла Атараўна Дадышкіліяні
Адукацыя	Расійскі інстытут тэатральнага мастацтва[d] (1955)
Прафесія	балетмайстар, оперны рэжысёр, рэжысёр
Тэатр	Нацыянальны акадэмічны Вялікі тэатр оперы і балета Рэспублікі Беларусь
Узнагароды

Біяграфія

Нарадзіўся 21 жніўня 1923 года ў Новачаркаску (РСФСР).

Скончыў у 1955 годзе Дзяржаўны інстытут тэатральнага мастацтва ў Маскве. У 1955—1965 гадах і з 1976 года — балетмайстар у тэатрах оперы і балета Расіі. У 1965—1971 гадах — галоўны балетмайстар, у 1972—1976 гадах — галоўны рэжысёр Дзяржаўнага тэатра оперы і балета Беларусі.

Творчасць

Дадышкіліяні-балетмайстру ўласцівы сцвярджэнне рэалістычнай танцавальнай вобразнасці, пошукі ў галіне сцэнічнай формы. Першы пастаноўшчык на беларускай сцэне балетаў «Альпійская балада» (1967), «Выбранніца» (1969) і «Тыль Уленшпігель» (1974) Я. Глебава, «Пасля балю» Г. Вагнера (1971). Сярод іншых пастановак: балеты «Спартак^[ru]» А. Хачатурана (1964), «Пер Гюнт» на музыку Э. Грыга (1966), «Рамэа і Джульета» С. Пракоф’ева (1968), оперы «Хаваншчына^[ru]» М. Мусаргскага (1970), «Пікавая дама» (1972) і «Іаланта» (1975) П. Чайкоўскага, «Дон Жуан» В. А. Моцарта (1973), «Русалка» А. Даргамыжскага (1974).

Сям’я

Ад шлюбу з першай жонкай, балерынай Кларай Малышавай (1935—2025), мае двух дзяцей:^[1]

• дачка — Натэла Дадышкіліяні (нар. 1960), артыстка балета, заслужаная артыстка Беларусі;
• сын — Дзяніс Дадышкіліяні (нар. 1973)^[2], артыст балета.

З 7 лістапада 2023 года ў шлюбе з Таццянай Якаўлеўнай Уколавай (нар. 1948), былой мастачкай Ніжагародскага дома акцёра^[3].

Зноскі

1. Клара Малышава аб балеце, выхаванках і тым, што прымушае хадзіць на работу(недаступная спасылка)
2. ДАДИШКИЛИАНИ ДЕНИС ОТАРОВИЧ на сайце Кино-Театр. РУ
3. Свадебный рекорд: 100-летний жених и 75-летняя невеста зарегистрировали брак в Нижегородском ЗАГСе