Аўгуст Гаўль

Гео́рг А́ўгуст Гаўль (ням.: Georg August Gaul; 22 кастрычніка 1869 года, Гросгайм, цяпер раён Ганау, Гесэн — 18 кастрычніка 1921 года, Берлін, Германія) — нямецкі скульптар-анімаліст.

Георг Аўгуст Гаўль
ням.: Georg August Gaul
Імя пры нараджэнні	Georg August Gaul
Дата нараджэння	22 кастрычніка 1869(1869-10-22)
Месца нараджэння	Гросаўгайм[d], Hanau[d], адміністрацыйная акруга Дармштат, Гесэн, Германія[1]
Дата смерці	18 кастрычніка 1921(1921-10-18) (51 год)
Месца смерці	Берлін, Вольная дзяржава Прусія, Германскі рэйх[2]
Месца пахавання	Далемскія могілкі[d][3]
Грамадзянства	Германія[4][5][…]
Род дзейнасці	скульптар, ілюстратар, медальер
Жанр	скульптар-анімаліст
Вучоба	Staatliche Zeichenakademie Hanau[d] (1888)[6] Unterrichtsanstalt des Kunstgewerbemuseums Berlin[d] (1893)[6] Берлінская акадэмія мастацтваў[6]
Мастацкі кірунак	мадэрн
Уплыў	Reinhold Begas[d][6]
Член у	Берлінскі сецэсіён[d][7][6] Берлінская акадэмія мастацтваў[6]
Медыяфайлы на Вікісховішчы

Біяграфія

Сын муляра Філіпа Гаўля (1840—1910), Аўгуст Гаўль з 13 гадоў пачаў навучацца ў мастацкай школе ў Ганау. Затым на працягу двух гадоў працаваў на фабрыцы па вырабе сярэбраных вырабаў. У 1888 годзе ён з дапамогай свайго настаўніка Вайсэ быў накіраваны на вучобу ў Берлін. Працягваючы вучыцца ў майстэрні скульптара Аляксандра Каландрэлі, стаў сталым наведвальнікам Музея прыкладных мастацтваў. Там ён атрымаў абанемент для наведвання Берлінскага заапарка і захапіўся вывучэннем экзатычных жывёл, цэлымі днямі робячы замалёўкі з натуры.

З 1894 па 1898 гады А. Гаўль працаваў у майстэрні вядомага берлінскага скульптара Рэйнгальда Бегаса і браў удзел у абмеркаванні ўзвядзення манумента кайзеру Вільгельму I каля Гарадскога палаца. У 1897 годзе быў накіраваны ў паездку ў Італію.

У 1898 годзе Гаўль стаў адным з заснавальнікаў Берлінскага сецэсіёну, у які ўвайшлі такія мастакі, як Макс Ліберман і Вальтэр Лейстыкаў.

У 1900 годзе Аўгуст Гаўль ажаніўся з Кларай Хертэль (1874—1940). У іх нарадзіліся дзве дачкі (Катарына і Шарлота) і сын Карл Петэр.

Зубры, якія змагаюцца, фота 1912 года

У 1912 годзе стварыў скульптурную кампазіцыю «Зубры, якія змагаюцца», якая была перададзена Кёнігсбергу і ўсталявана перад будынкам Вярхоўнага суда Усходняй Прусіі, сімвалізуючы барацьбу абароны і абвінавачвання. Адна з нешматлікіх захаваных у горадзе пасля Другой сусветнай вайны скульптура і сёння ўпрыгожвае Калінінград.

А. Гаўль супрацоўнічаў з вядомым берлінскім выдаўцом і гандляром творамі мастацтва Паўлем Касірэрам. Сярод яго блізкіх сяброў былі Генрых Цыле і Эрнст Барлах.

Гаўль адмовіўся ад абрання сенатарам Берлінскай акадэміі мастацтваў, палічыўшы, што можа паспяхова займацца мастацтвам і без афіцыйнага статусу.

Шэраг яго твораў знаходзяцца ў родным Ганау (на Рохусплац і перад школай каля фантана Гаўля). Бронзавая скульптура арла яго працы ўсталявана на вяршыні гары ў горным масіве Рон. Перад берлінскім Рэнесанс-тэатрам у 1911 годзе быў усталяваны яго фантан з качкамі.

Аўгуст Гаўль сканаў у Берліне ў 1921 годзе ад раку.

Творы

• 
  Перад будынкам тэатра Адраджэння, Берлін
• 
  Старая нацыянальная галерэя, Берлін
• 
  Klöpperhaus, Гамбург
• 
  Гарадскі парк Гамбурга
• 
  Музей мастацтваў, Кіль
• 
  Скульптура арла на помніку лётчыкам на гары Васеркупэ

Зноскі

1. Deutsche Nationalbibliothek Record #118689797 // Агульны нарматыўны кантроль — 2012—2016. Праверана 15 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
2. Deutsche Nationalbibliothek Record #118689797 // Агульны нарматыўны кантроль — 2012—2016. Праверана 31 снежня 2014.

   <a href='https://wikidata.org/wiki/Track:Q27302'></a><a href='https://wikidata.org/wiki/Track:Q36578'></a>
3. https://www.berlin.de/senuvk/umwelt/stadtgruen/friedhoefe_begraebnisstaetten/downloads/eg-liste.pdf
4. artist list of the National Museum of Sweden — 2016. Праверана 25 лютага 2016.

   <a href='https://wikidata.org/wiki/Track:Q16323066'></a><a href='https://wikidata.org/wiki/Track:Q22681075'></a>
5. Museum of Modern Art online collection Праверана 4 снежня 2019.

   <a href='https://wikidata.org/wiki/Track:Q73268604'></a>
6. Thieme U., Becker F., Vollmer H. Künstlerlexikon / Hrsg.: U. Thieme, F. Becker, H. Vollmer et al. — E. A. Seemann.

   <a href='https://wikidata.org/wiki/Track:Q1273447'></a><a href='https://wikidata.org/wiki/Track:Q109174'></a><a href='https://wikidata.org/wiki/Track:Q19997516'></a><a href='https://wikidata.org/wiki/Track:Q102869'></a><a href='https://wikidata.org/wiki/Track:Q96122'></a><a href='https://wikidata.org/wiki/Track:Q1361256'></a>
7. https://sammlung.staedelmuseum.de/de/person/berliner-secession Праверана 26 ліпеня 2019.