Аляксандр Аляксеевіч Аляксееў

У Вікіпедыі ёсць артыкулы пра іншых людзей з прозвішчам Аляксееў.

Аляксандр Аляксеевіч Аляксееў (нар. 14 лістапада 1978, Казань, Расійская Федэрацыя) — беларускі фатограф, выдавец, дызайнер, журналіст, рэжысёр, кандыдат эканамічных навук.

Аляксандр Аляксееў
Аляксандр Аляксеевіч Аляксееў
Імя пры нараджэнні	Аляксандр Аляксеевіч Аляксееў
Род дзейнасці	фатограф, выдавец, дызайнер, рэжысёр , журналіст
Дата нараджэння	14 лістапада 1978(1978-11-14)[1] (46 гадоў)
Месца нараджэння	Казань, Татарская АССР[d], РСФСР, СССР
Грамадзянства	СССР  Беларусь
Альма-матар	Беларускі дзяржаўны эканамічны ўніверсітэт (2000) Беларуская дзяржаўная акадэмія мастацтваў (2014)
Узнагароды і прэміі	Прэмія «За духоўнае адраджэнне» (студзень 2005)
Медыяфайлы на Вікісховішчы

Біяграфія

Нарадзіўся 14 лістапада 1978 года ў г. Казань, у сям’і вайскоўца. З 1979 года сям’я пераехала ў Беларусь. У 2000 годзе скончыў факультэт менеджменту Беларускага дзяржаўнага эканамічнага ўніверсітэта. У 2000 годзе ўзнагароджаны медалём Міністэрства адукацыі і навукі Расійскай Федэрацыі «За лепшую навуковую працу» сярод маладых вучоных па выніках адкрытага ўсерасійскага конкурсу. У 2004 годзе абараніў дысертацыю, прысуджана навуковая ступень кандыдата эканамічных навук. З 2001 года пачаў працаваць на беларускім тэлебачанні. З’яўляўся вядучым і рэжысёрам праграмы «Знята!»,^[2] рэдактарам тэлевізійных праектаў «Наша спадчына», «Новая калекцыя», «Эпоха». З 2001 года акрэдытаваны ў якасці беларускага фатографа і журналіста на міжнародных кінафестывалях у Кане, Берліне і Венецыі. З 2003 года ў якасці сааўтара сумесна з Алегам Лукашэвічам рэалізуе мастацкі праект «Спадчына Беларусі» (па міжнароднаму прадстаўленні гістарычнай і культурнай спадчыны Беларусі), які ўключае выданне прэзентацыйных альбомаў, правядзенне міжнародных фотавыставак, вытворчасць дакументальных фільмаў і тэлевізійных праграм для міжнароднай аўдыторыі. У студзені 2005 года стаў Лаўрэатам Прэміі Прэзідэнта Рэспублікі Беларусь «За духоўнае адраджэнне».^[3] З 2007 года з’яўляецца беларускім выдаўцом^[4]. Сумесна з Алегам Лукашэвічам арганізаваў адкрыццё першага Нацыянальнага павільёна Рэспублікі Беларусь на 64 Канскім кінафестывалі. У маі 2011 года стаў намеснікам кіраўніка Нацыянальнага павільёна. З 2012 года працуе ў беларускай дакументалістыцы ў якасці рэжысёра. У 2014 годзе скончыў Беларускую дзяржаўную акадэмію мастацтваў па спецыяльнасці рэжысёр.

Выстаўкі мастацкага праекта «Спадчына Беларусі»

2003 год

• Музей сучаснага выяўленчага мастацтва. Адкрыццё праекта серыяй фотавыставак: «Храмы Беларусі», «Сядзібы і ратушы Беларусі», «Палацы і замкі Беларусі» (Мінск, Беларусь);^[5]
• Міністэрства замежных спраў Рэспублікі Беларусь (Мінск, Беларусь);
• Саюз мастакоў Арменіі (Ерэван, Арменія);^[6]
• Віцебскі абласны краязнаўчы музей (Віцебск, Беларусь);
• Дом-музей мастака Іліі Рэпіна ў Здраўнёва (Беларусь).

2004 год

• Штаб-кватэра ЮНЕСКА ў Парыжы. Выстаўка ў гонар 50-годдзя ўступлення Рэспублікі Беларусь у ЮНЕСКА (Парыж, Францыя);^[7]
• У палацы графа Тызенгаўза ў Паставах адкрыта пастаянна дзеючая фотаэкспазіцыя «Спадчына Беларусі» — дар аўтараў гораду (Паставы, Беларусь);
• Нацыянальная акадэмія Св. Цэцыліі, выстаўка ў рамках Дзён культуры Рэспублікі Беларусь (Рым, Італія);^[8]
• Нацыянальны мастацкі музей Рэспублікі Беларусь (Мінск, Беларусь).^[9]

2008 год

• Нацыянальны мастацкі музей Рэспублікі Беларусь (Мінск, Беларусь);
• Дом Пушкіна ў Лондане, у рамках акцыі «Адкрый Беларусь» (Вялікабрытанія);^[10]
• Гомельскі палацава-паркавы ансамбль (Гомель, Беларусь);^[11]
• Нацыянальны Полацкі гісторыка-культурны музей-запаведнік (Полацк, Беларусь);^[12]
• Удзел у міжнароднай выстаўцы «Праваслаўная ікона Расіі, Украіны, Беларусі», Нацыянальны мастацкі музей Рэспублікі Беларусь (Мінск, Беларусь);
• Віляноўскі палац, (Варшава, Польшча).

2014 год

• На арт-агароджы парку Чалюскінцаў пад адкрытым небам у Мінску. Фотавыстаўка, якая складаецца з 60 фотаздымкаў (памер 3х2 метра) экспанавалася год, (Мінск, Беларусь).^[13]

2015 год

• На агароджы Усіхсвяцкага храма пад адкрытым небам, (Мінск, Беларусь).^[14]
• На арт-агароджы парку Чалюскінцаў пад адкрытым небам у Мінску. Былі прадстаўлены 60 фатаграфій прысвечаныя чатыром беларускім помнікам, занесеных у Сусветны спіс культурнай і прыроднай спадчыны ЮНЕСКА: Белавежская пушча, Мірскі замак, Нясвіжскі палацава-паркавы ансамбль, Геадэзічная дуга Струвэ.^[15]

2016 год

• Нацыянальны гістарычны музей Рэспублікі Беларусь (Мінск, Беларусь);^[16]
• Міністэрства замежных спраў Рэспублікі Беларусь. Фотавыстаўка для дыпламатычных прадстаўнікоў дзяржаў свету (Мінск, Беларусь).^[17]

Кнігі-альбомы мастацкага праекта «Спадчына Беларусі»

• 2004 — «Спадчына Беларусі» на бел. і англ. мовах 1-е выданне (наклад 3000 экз.)
• 2005 — «Спадчына Беларусі» на бел. і англ. мовах 2-е і 3-е выданне (агульны тыраж 6000 асобнікаў.)
• 2005 — «Спадчына Беларусі» на рус. і англ. мовах 1-е выданне (наклад 3000 экз.)
• 2006 — «Спадчына Беларусі» на бел. і англ. мовах 4-е выданне (наклад 3000 экз.)
• 2007 — «Спадчына Беларусі. Скарбы» на бел. і англ. мовах (наклад 3000 экз.)
• 2007 — «Спадчына Беларусі» на бел. і англ. мовах 5-е і 6-е выданне (наклад 8000 экз.)
• 2007 — «Спадчына Беларусі» на рус. і англ. мовах 2-е выданне (наклад 3500 экз.)^[18]
• 2009 — «Скарбы Беларусі» на бел. і англ. мовах 1-е выданне (наклад 3000 экз.)^[19]
• 2009 — «Спадчына Беларусі» на рус. і англ. мовах 3-е выданне (наклад 3000 экз.)
• 2010 — «Спадчына Беларусі» на рус. і англ. мовах 4-е выданне (наклад 5000 экз.)
• 2013 — «Скарбы Беларусі» на бел. і англ. мовах 2-е выданне (наклад 1000 экз.)
• 2013 — «Скарбы Беларусі» на рус. і англ. мовах 1-е выданне (наклад 1000 экз.)
• 2014 — «Скарбы Беларусі» на рус. і англ. мовах 2-е выданне (наклад 1000 экз.)
• 2015 — «Спадчына Беларусі» на бел., рус. і англ. мовах 1-е выданне (наклад 1000 экз.)

Агульны наклад на снежань 2015 года складае 44,5 тыс. асобнікаў.

Фільмаграфія

аўтар сцэнарыя

2012

• «Беларускі балет. Гісторыя»
• «Гісторыя беларускай оперы»

рэжысёр

2013

• «Архітэктар Лангбард. Незапатрабаваны архіў»^[20]
• «Тысячагадовае Заслаўе»^[21]

Узнагароды

• 2005 — Лаўрэат прэміі «За духоўнае адраджэнне»;^[22]
• 2005 — Дыплом ім. Францыска Скарыны на 45-м Рэспубліканскім конкурсе «Мастацтва кнігі»;
• 2005 — Дыплом II ступені на V конкурсе журналістаў, арганізаваным Пасольствам Рэспублікі Польшча ў Рэспубліцы Беларусь;
• 2006 — Дыплом Пераможцы і ганаровы медаль на IX Еўразійскім тэлефоруме ў Маскве за фільм «Эпоха Марка Шагала»;^[23]
• 2008 — Дыплом I ступені на V Міжнародным конкурсе «Мастацтва кнігі» ў Маскве за кнігу-альбом «Спадчына Беларусі. Скарбы»;^[24]
• 2010 г. — Намінаваны на Дзяржаўную прэмію Рэспублікі Беларусь за мастацкі праект «Спадчына Беларусі»;^[25]
• 2014 — Дыплом III ступені на XI Міжнародным конкурсе «Мастацтва кнігі» ў Маскве за кнігу-альбом «Скарбы Беларусі»;^[26]
• 2015 — Дыплом Пераможцы ў намінацыі «Фотапогляд» на 54-м Нацыянальным конкурсе «Мастацтва кнігі» ў Мінску за кнігу-альбом «Скарбы Беларусі»;^[27]
• 2016 — Дыплом Пераможцы ў намінацыі лепшы дызайнер кнігі з уручэннем памятнага знака-сімвала «Залаты Фаліянт» на 55-ым Нацыянальным конкурсе «Мастацтва кнігі — 2016» у Мінску за дызайн кніг-альбомаў «Нацыянальны гістарычны музей Рэспублікі Беларусь», «Нясвіж. Палацава-паркавы ансамбль», «Спадчына Беларусі».^[28]