Аляксандр Анатольевіч Друкт

Аляксандр Анатольевіч Друкт (10 мая 1949, Мінск — 17 красавіка 1990) — беларускі музыказнавец, кампазітар. Кандыдат мастацтвазнаўства (1978).

Аляксандр Анатольевіч Друкт
Дата нараджэння	10 мая 1949(1949-05-10)
Месца нараджэння	Мінск, Беларуская ССР, СССР
Дата смерці	17 красавіка 1990(1990-04-17) (40 гадоў)
Альма-матар	Беларуская дзяржаўная кансерваторыя імя А. В. Луначарскага (1972)
Месца працы	Беларуская дзяржаўная акадэмія музыкі
Музычная дзейнасць
Прафесіі	музыказнавец, кампазітар, музычны крытык
Грамадская дзейнасць
Член у	Беларускі саюз кампазітараў БСТД

Біяграфія

Скончыў у 1972 годзе Беларускую кансерваторыю, выкладаў у ёй.

Член Беларускага саюза кампазітараў з 1978 года, член Беларускага саюза тэатральных дзеячаў з 1978 года.

Навуковая дзейнасць і творчасць

Даследаваў праблемы натуральна-ладавай гармоніі, ладаўтварэння ў сучаснай музыцы, класічнай паліфаніі, пытанні нацыянальнага музычнага працэсу. Набыў вядомасць як музычны крытык.

Сярод музычных твораў: вакальны цыкл «Вясновыя песні» на народныя тэксты (1972), «Званы» (1978) і «Вяснянка» (1982) для аркестра народных інструментаў, квінтэт (1982), «Гарэзлівыя прыпеўкі» для 2 цымбалаў, фартэпіяна і ўдарных (1983), «Балбатухі» для 2 домраў^[ru], фартэпіяна і ўдарных (1987), вакальная сатыра «Аб трох набобах» на вершы М. Агніўцава (1988) і інш.

Літаратура

• Друкт Аляксандр Анатольевіч // Культура Беларусі: энцыклапедыя / рэдкал.: Т. У. Бялова (гал. рэд.) [і інш.]. — Мн.: Беларус. Энцыкл. імя П. Броўкі, 2012. — Т. 3. — С. Р. М. Аладава. — 688 с. — 3 000 экз. — ISBN 978-985-11-0662-8.

Спасылкі

• Аляксандр Анатольевіч Друкт на сайце анлайн-энцыклапедыі «Беларусь у асобах і падзеях»