Радаслава Мікалаеўна Аладава

Радаслава Мікалаеўна Ала́дава (11 лютага 1945, Мінск) — беларускі музыказнавец. Кандыдат мастацтвазнаўства (1980), дацэнт (1985).

Радаслава Мікалаеўна Аладава
Дата нараджэння	11 лютага 1945(1945-02-11) (80 гадоў)
Месца нараджэння	Мінск, Мінская вобласць, Беларуская ССР, СССР
Бацька	Мікалай Ільіч Аладаў
Маці	Алена Васілеўна Аладава
Род дзейнасці	музыказнавец
Месца працы	Беларуская дзяржаўная акадэмія музыкі
Навуковая ступень	кандыдат мастацтвазнаўства (1980)
Навуковае званне	дацэнт
Альма-матар	Беларуская дзяржаўная кансерваторыя імя А. В. Луначарскага (1968)
Член у	БСТД Беларускі саюз кампазітараў Саюз музычных дзеячаў Беларусі

У Вікіпедыі ёсць артыкулы пра іншых людзей з прозвішчам Аладава.

Біяграфія

Нарадзіўся 11 лютага 1945 года ў сям’і Мікалая Ільіча і Алены Васілеўны Аладавых.

Скончыла ў 1968 годзе Беларускую кансерваторыю па спецыяльнасці «Музыказнаўства», у 1971 годзе аспірантуру Ленінградскай дзяржаўнай кансерваторыі па спецыяльнасці «Тэорыя музыкі». 3 1971 года выкладае ў Беларускай акадэміі музыкі на кафедры гісторыі музыкі.

Член Саюза тэатральных дзеячаў БССР з 1977 года, член Саюза кампазітараў СССР з 1978 года, член Беларускага саюза кампазітараў з 1991 года, член Беларускага саюза музычных дзеячаў з 2001 года.

Навуковая дзейнасць

Навуковыя працы пераважна па пытаннях нацыянальнага музычнага стылю, суадносін і ўзаемадзеяння музыкі і слова, беларускай оперы ў кантэксце айчыннай і еўрапейскай культуры, музычнай крытыкі.

Творы

• Аб поліфанізацыі фактуры ў беларускай сімфанічнай музыцы другой палавіны 50-х—60-х гадоў // Бел. музыка. Мн., 1975. Вып. 1;
• Белорусское симфоническое творчество // Межнациональные связи в советской музыкальной культуре. Л., 1987;
• «Фольклорный» камерно-вокальный цикл в белорусской музыке 70-х гг. // Вопр. культуры и искусства Белоруссии. Мн., 1988. Вып. 7;
• Опера С. Картэса «Візіт дамы» ў яе сувязях з літаратурай // Вопр. культуры и искусства Белоруссии. 1994. Вып. 13.

Літаратура

• Аладава Радаслава Мікалаеўна // Беларуская энцыклапедыя: У 18 т. Т. 1: А — Аршын / Рэдкал.: Г. П. Пашкоў і інш. — Мн. : БелЭн, 1996. — Т. 1. — 552 с. — 10 000 экз. — ISBN 985-11-0035-8. — ISBN 985-11-0036-6 (т. 1).