Аляксандр Генадзевіч Суслаў

Аляксандр Генадзевіч Суслаў (6 сакавіка 1950, Арэнбург) — беларускі архітэктар.

Аляксандр Генадзевіч Суслаў
Дата нараджэння	6 сакавіка 1950(1950-03-06) (75 гадоў)
Месца нараджэння	Чкалаў, Арэнбургская вобласць, РСФСР, СССР
Альма-матар	БПІ (1972)
Месца працы	Мінскпраект ІБіА Дзяржбуда БССР Белдзіпрагандаль Мінсксельбудпраект[d]
Член у	Саюз архітэктараў СССР Беларускі саюз архітэктараў

У Вікіпедыі ёсць артыкулы пра іншых людзей з прозвішчам Суслаў.

Біяграфія

Скончыў Беларускі політэхнічны інстытут у 1972 годзе. Працаваў у Мінскпраекце, старшым архітэктарам у ІБіА Дзяржбуда БССР, кіраўніком групы архітэктараў у Белдзіпрагандлі, з 1987 года — кіраўнік групы архітэктараў у Мінсксельбудпраекце.

Член Саюза архітэктараў СССР з 1977 года. Пражывае ў Мінску.

Творчасць

Рэспубліканскі шахматна-шашачны клуб

Асноўныя працы (у аўтарскім калектыве): 9-павярховы жылы дом па вул. Ангарскай (1976), 9-, 12-павярховыя жылыя дамы з убудаванымі прадпрыемствамі гандлёвага і бытавога абслугоўвання па вул. Маякоўскага (1980), Рэспубліканскі шахматна-шашачны клуб (1985) у Мінску, эксперыментальныя складскія памяшканні з аблегчаных канструкцый у Брэсцкай і Гомельскай вобласці (1976—1977, пад кіраўніцтвам Э. М. Кірыенкі).

Узнагароды

Узнагароджаны дыпломам Міжнароднага конкурсу ў Варне (1972) за конкурсны студэнцкі праект «Прастору калектыўнага вольнага часу».

Зноскі