Багноўка чорная

Багноўка чорная, Багноўка, Багнаўка^[1][2][3] (Empetrum nigrum) — кветкавая расліна сямейства Верасовыя (Ericaceae).

Багноўка чорная
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Верасакветныя Сямейства:  Верасовыя Падсямейства:  Ericoideae Трыба:  Empetreae Род:  Багноўка Від:  Багноўка чорная
Міжнародная навуковая назва
Empetrum nigrum L., 1753
Сістэматыка на Віківідах Выявы на Вікісховішчы ITIS   23743 NCBI   191066 EOL   586630 GRIN   t:15127 IPNI   30371508-2 TPL   kew-2788473

Батанічнае апісанне

[[File:Empetrum nigrum Sturm22.jpg|thumb|left|{{Bt-bellat|Батанічная ілюстрацыя Якаба Штурма з кнігі «Deutschlands Flora in Abbildungen», 1796]] Шматгадовазялёны кусцік вышынёю 10—20 см з доўгім паўзучым разгалінаваным сцяблом, сцелецца па зямлі, даўжыня да 1 м. Лісце дробнае, вузкаэліптычнае. Кветкі дробныя, адзінкавыя, зрэдку па 2—3 ў пазухах лісця, ружовыя або цёмна-чырвоныя. Плод — шарападобная шыза-чорная ягадападобная касцянка.

Арэал

Распаўсюджана на тэрыторыі Еўразіі і Паўночнай Амерыкі. На тэрыторыі Беларусі трапляецца пераважна ў паўночных раёнах. Расце на вярховых балотах і у забалочаных хваёвых і яловых лясах, утварае зараснікі.

Значэнне і выкарыстанне

Плады ядомыя, кіславатыя, з пурпуровым сокам, маюць вітамін С, андрамеда-таксін, фарбавальныя і дубільныя рэчывы. Настой з травы ўжываецца ў народнай медыцыне.

Зноскі

1. Киселевский А. И. Латино-русско-белорусский ботанический словарь. — Мн.: «Наука и техника», 1967. — С. 48. — 160 с. — 2 350 экз.
2. Васількоў І. Г. Матэрыялы да флоры Горацкага раёна. Праца навуковага таварыства па вывучэнню Беларусі, т. III. — Горы-Горкі, 1927.
3. Носович И. И. Словарь белорусского наречия. Спб, 1870.