Бажніцеле

Бажніцеле (літ.: Bažnytėlė) — востраў на возеры Гальве, за 50 м на паўднёвы ўсход ад вострава Караіму.

Бажніцеле?
Размяшчэнне
54°38′57″ пн. ш. 24°56′09″ у. д.HGЯO

Пасля 1418 года вялікі князь Вітаўт загадаў змураваць на востраве царкву святога Георгія для асабістых патрэб сваёй жонкі Юліяніі Гальшанскай^[1]. Пазней царква перайшла да Сапегаў, якія зрабілі ў ёй родавую магільню, у 1596 годзе перайшла ва унію з падпарадкаваннем віленскаму манастыру Святой Троіцы, зруйнавана ў 1655 годзе падчас вайны 1654—1667 гадоў^[1].

Рэшткі царквы ў 1992 годзе ўнесены ў Рэгістр культурных каштоўнасцей^[lt] (унікальны код 17340), у 2005 годзе прызнаны часткай большага аб’екта (унікальны код 27125).^[2]

У 1996 годзе, падчас падводных археалагічных даследаванняў, праведзеных прафесарам Торуньскага ўніверсітэта Анджэем Генрыкам Колам^[pl], выяўлены драўляныя палі — рэшткі моста, які злучаў астравы Бажніцеле і Караіму. Шырыня моста вызначана як 4 метры. У 1997 годзе даследаванні працягнуў Зянонас Баўбоніс^[lt].^[3]