Баляслаў Баляслававіч Віленчыц

Баляслаў Баляслававіч Віленчыц (нар. 3 красавіка 1943, в. Залоззе (з 1966 у складзе в. Казейкі), Стаўбцоўскі раён, Мінская вобласць) — беларускі фізік, спецыяліст у галіне оптыкі і прыбораў і метадаў эксперыментальнай фізікі. Доктар фізіка-матэматычных навук (1995), старшы навуковы супрацоўнік (1987).

Баляслаў Баляслававіч Віленчыц
Дата нараджэння	3 красавіка 1943(1943-04-03) (82 гады)
Месца нараджэння	Залоззе[d], Стаўбцоўскі раён, Баранавіцкая вобласць, Беларуская ССР, СССР
Грамадзянства	СССР
Месца працы	Інстытут цепла- і масаабмену імя А. В. Лыкава НАН Беларусі Інстытут прыкладных фізічных праблем імя А. Н. Сеўчанкі
Навуковая ступень	доктар фізіка-матэматычных навук (1995)
Альма-матар	БДУ
Прэміі	Прэмія Савета Міністраў Рэспублікі Беларусь[d] (1991)
Узнагароды

Біяграфія

Скончыў Беларускі дзяржаўны ўніверсітэт (спецыяльнасць «Фізіка», 1975). У 1985 годзе абараніў кандыдацкую дысертацыю, у 1995 годзе — доктарскую.

Працаваў у Інстытуце цепла- і масаабмену АН БССР (1970—1975), Інстытуце прыкладных фізічных праблем імя А. Н. Сеўчанкі Беларускага дзяржаўнага ўніверсітэта (з 1976, галоўны навуковы супрацоўнік).

Навуковая дзейнасць

Навуковыя інтарэсы: аптычная дыягностыка газавых і аэразольных патокаў.

Распрацаваў метады вымярэння фізічных характарыстык газавых патокаў, фарміравання і дыягностыкі параметраў лазерных пучкоў, стварыў новы навуковы кірунак, які дазваляе комплексна вырашаць праблемы інжынернай экалогіі.

Па выніках распрацовак і даследаванняў апублікавана больш за 170 навуковых прац, атрымана больш за 50 аўтарскіх пасведчанняў і патэнтаў на вынаходніцтвы. Яго градыентна-аптычныя і градыентна-дынамічныя сістэмы дэманстраваліся на спецыялізаваных выстаўках у Мінску, Санкт-Пецярбургу, Маскве, Варшаве, Дэлі, Пекіне, Гановеры, Лейпцыгу.

Узнагароды

Узнагароджаны дыпломамі, залатым і чатырма сярэбранымі медалямі ВДНГ СССР, знакам «Вынаходнік СССР» (1984). У 1991 годзе была прысуджана Прэмія Савета Міністраў Рэспублікі Беларусь.

Бібліяграфія

• Градиентно-оптическая диагностика газовых и аэрозольных потоков : автореферат диссертации … доктора физико-математических наук : 01.04.05 ; 01.04.01 / Виленчиц Болеслав Болеславович. — Минск, 1995.
• Градиентно-оптическая диагностика параметров газовых потоков / Д. С. Умрейко, Б. Б. Виленчиц, В. К. Попов // Спектроскопия и люминесценция молекулярных систем / [Умрейко Д. С. и др.]. — Минск, 2003. — С. 351—363.

Зноскі