Бамбергскі ўніверсітэт

Бамбергскі ўніверсітэт або афіцыйна Бамбергскі ўніверсітэт Ота і Фрыдрыха (ням.: Otto-Friedrich-Universität Bamberg) — нямецкая дзяржаўная вышэйшая навучальная ўстанова са статусам універсітэта з сядзібай у горадзе Бамберг.

Бамбергскі ўніверсітэт
ням.: Otto-Friedrich-Universität Bamberg
Арыгінальная назва	ням.: Otto-Friedrich-Universität Bamberg
Міжнародная назва	англ.: University of Bamberg
Заснаваны	1647
Рэктар	Kai Fischbach[d][1]
Студэнты	11 000[2]
Краіна	Германія
Размяшчэнне	Бамберг
Сайт	uni-bamberg.de
Медыяфайлы на Вікісховішчы

Агульная характарыстыка

Універсітэт у асноўным размешчаны ў гістарычных будынках у Старым горадзе Бамберга. Да іх адносяцца ў тым ліку былы езуіцкі калегіум і былая пажарная станцыя. Асноўнымі напрамкамі навучання і даследаванняў універсітэта з'яўляюцца гуманітарныя, культуралагічныя, сацыяльныя і эканамічныя навукі, а таксама прыкладная інфарматыка. Навучальная ўстанова была заснавана ў 1647 годзе князем-біскупам Мельхіёрам Ота Войтам фон Зальцбургам пад назвай "Academia Bambergensis". Акадэмія ў наступныя стагоддзі, асабліва дзякуючы намаганням князя-біскупа Фрыдрыха Карла фон Шэнбарна, атрымала статус поўнага ўніверсітэта з тэалагічным, філасофскім, юрыдычным і медыцынскім факультэтамі.

Факультэты

• Гуманітарных навук і культуралогіі
• Сацыяльных навук і эканомікі
• Гуманітарных навук
• Бізнес-інфармацыйных тэхналогій і прыкладной інфарматыкі

Зноскі

1. https://www.uni-bamberg.de/sna/team/prof-dr-kai-fischbach/ Праверана 23 мая 2024.
2. https://www.uni-bamberg.de/universitaet/zahlen-und-fakten/die-universitaet-bamberg-in-zahlen/ Праверана 13 чэрвеня 2024.