Баравыя (Людвіноўскі сельсавет)

У паняцця ёсць і іншыя значэнні, гл. Баравыя.

Баравы́я^[1] (трансліт.: Baravyja, руск.: Боровые) — вёска ў Вілейскім раёне Мінскай вобласці. Уваходзіць у склад Людвіноўскага сельсавета.

Вёска Баравыя Краіна Беларусь Вобласць Мінская Раён Вілейскі Сельсавет Людвіноўскі Каардынаты 54°40′42″ пн. ш. 27°18′38″ у. д.HGЯO Насельніцтва ▼6 чал. (2019) Часавы пояс UTC+3 Тэлефонны код +375 1771 Паштовыя індэксы 222429 Аўтамабільны код 5 СААТА 6213834021 Баравыя Баравыя Баравыя

Геаграфія

Знаходзіцца за 39 км на паўночны ўсход ад горада Вілейка, 19 км ад чыг. ст. Княгінін на лініі Маладзечна—Полацк, 142 км ад Мінска, каля аўтадарогі Міхнічы—Сліпкі.

Гісторыя

У 1800 годзе засценак у Вілейскім павеце Мінскай губерні Расійскай імперыі, уласнасць В. Козела.

З 1921 года вёска ў складзе Польскай Рэспублікі, належала да Віленскага ваяводства, Вілейскага павета, гміны Крывічы^[2].

З лістапада 1939 года ў БССР, з 15 студзеня 1940 г. ў Куранецкім раёне Вілейскай вобласці, з 12 кастрыніка 1940 г. ў Касцяневіцкім сельсавеце. У Вялікую Айчынную вайну з 25 чэрвеня 1941 г. да 3 ліпеня 1944 г. акупіравана нацыстамі. З 20 верасня 1944 г. ў Куранецкім, з 5 ліпеня 1946 г. ў Вілейскім раёнах Маладзечанскай вобласці. 31 мая 1949 г. створаны калгас «Новая праца». З 20 студзеня 1960 г. ў Мінскай вобласці. Землі ў складзе саўгаса «Беларускі».

Насельніцтва

• 1800 год — 14 жыхароў, 2 двары.
• 1921 год — 45 жыхароў, 8 двароў^[3].
• 1931 год — 59 жыхароў, 7 двароў^[4].
• 1988 год — 55 жыхароў, 30 двароў.
• 2008 год — 7 жыхароў, 5 гаспадарак.
• 2019 год — 6 чал.