Барбарыс

Барбары́с^[1] (Berberis) — род кветкавых раслін сямейства барбарысавых.

Барбарыс
Барбарыс звычайны (Berberis vulgaris). Тыпавы від роду. Агульны выгляд расліны.
Навуковая класіфікацыя
прамежныя рангі Дамен:  Эўкарыёты Царства:  Расліны Аддзел:  Кветкавыя Клас:  Двухдольныя Парадак:  Казяльцовакветныя Сямейства:  Барбарысавыя Падсямейства:  Барбарысавыя Трыба:  Барбарысавыя Род:  Барбарыс
Міжнародная навуковая назва
Berberis L.
Сінонімы
Odostemon Raf.
Тыпавы від
Berberis vulgaris L. — Барбарыс звычайны
Сістэматыка на Віківідах Выявы на Вікісховішчы ITIS   18814 NCBI   22774 EOL   61051 GRIN   g:1403 IPNI   3937

Батанічнае апісанне

Калючыя кусты з простым лісцем. Кветкі жоўтыя, сабраныя ў гронкі, радзей адзіночныя. Плады — аранжава-чырвоныя, пурпуровыя або сінявата-чорныя ягады.

Дэкаратыўныя ў час цвіцення і плоданашэння. Выкарыстоўваюць барбарыс для салітэрнай і групавой пасадак, стварэння жывых агароджаў. Размнажаюць насеннем і вегетатыўна (зялёнымі чаранкамі і дзяленнем куста). Сяўбу праводзяць восенню свежасабраным насеннем або вясною пасля двухмесячнай стратыфікацыі пры тэмпературы 2—5 °C. Для дэкаратыўнага садоўніцтва рэкамендуюцца барбарыс амурскі (Berberis amurensis) (да 3 м), барбарыс звычайны (Berberis vulgaris) і яго пурпуровалістая форма (1,5—2,5 м), барбарыс Тунберга (Berberis thunbergii) і яго выключна дэкаратыўная пурпуровалістая форма (каля 1 м).

Выкарыстанне

Выкарыстоўваюцца ў харчовай і фармацэўтычнай прамысловасці. Да глебавых умоў непатрабавальныя. Засухаўстойлівыя. Святлолюбівыя, паддаюцца падстрыганню. Пасля высечкі даюць вельмі шмат парасткаў. Добра пераносяць перасадку. Меданосы. Пашкоджваюцца іржаўным грыбам збожжавых злакаў.

У Беларусі дзікарослы 1 від — барбарыс звычайны (Berberis vulgaris).