Барздоўскі сельсавет

Барздо́ўскі сельсавет — адміністрацыйна-тэрытарыяльная адзінка ў складзе Аршанскага раёна Віцебскай вобласці Беларусі. Адміністрацйны цэнтр — аграгарадок Барздоўка.

Барздоўскі сельсавет
Краіна	Беларусь
Уваходзіць у	Аршанскі раён
Уключае	20 населеных пунктаў
Адміністрацыйны цэнтр	Барздоўка
Дата ўтварэння	20 жніўня 1924
Насельніцтва (2019)	763
Часавы пояс	UTC+03:00
Код аўтам. нумароў	2

Гісторыя

Утвораны 20 жніўня 1924 года як Браздзечынскі сельсавет у складзе Аршанскага раёна Аршанскай акругі БССР. Цэнтр — вёска Браздзечына. Пасля скасавання акруговай сістэмы 26 ліпеня 1930 года ў Аршанскім раёне БССР, з 20 лютага 1938 года — Віцебскай вобласці. 29 снежня 1961 года да сельсавета далучана тэрыторыя скасаванага Пугляйскага сельсавета^[1]. На 1 студзеня 1974 года ў складзе сельсавета 21 населены пункт^[2]. 12 жніўня 1974 года цэнтр Браздзечынскага сельсавета перанесены ў вёску Барздоўка^[3]. 2 лютага 1982 года сельсавет перайменаваны ў Барздоўскі^[4].

Насельніцтва

Насельніцтва сельсавета паводле перапісу 2009 года — 1102 чалавекі^[5], з іх 93,4 % — беларусы, 4,6 % — рускія, 1,1 % — украінцы^[6]; паводле перапісу 2019 года — 763 чалавекі^[7].

Зноскі

1. Рашэнне выканкома Віцебскага абласнога Савета дэпутатаў працоўных ад 29 снежня 1961 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1962, № 12 (971).
2. Белорусская ССР. Административно-территориальное деление. На 1 января 1974 года. (руск.). — Выданне 5-е. — Мн.: Беларусь, 1974. — С. 53. — 248 с. — 10 000 экз.
3. Рашэнне выканаўчага камітэта Віцебскага абласнога Савета дэпутатаў працоўных ад 12 жніўня 1974 г. // Збор законаў, указаў Прэзідыума Вярхоўнага Савета Беларускай ССР, пастаноў і распараджэнняў Савета Міністраў Беларускай ССР. — 1974, № 25 (1435).
4. Рашэнне выканкома Віцебскага абласнога Савета народных дэпутатаў ад 2 лютага 1982 г. // Збор законаў Беларускай ССР, указаў Прэзідыума Вярхоўнага Савета Беларускай ССР, пастаноў Савета Міністраў Беларускай ССР. — 1982, № 10 (1708).
5. Колькасць насельніцтва населеных пунктаў Віцебскай вобласці Беларусі паводле перапісу 2009 года
6. Этнічны склад насельніцтва сельсаветаў Беларусі паводле перапісу 2009 года
7. Насельніцтва населеных пунктаў Віцебскай вобласці Беларусі паводле перапісу 2019 года