Баркі (Забалоцкі сельсавет)

У гэтага тапоніма ёсць і іншыя значэнні, гл. Баркі.

Баркі — былы пасёлак у Забалоцкім сельсавеце Буда-Кашалёўскага раёна Гомельскай вобласці Беларусі.

Пасёлак Баркі Краіна Беларусь Вобласць Гомельская Раён Буда-Кашалёўскі Сельсавет Забалоцкі Каардынаты 52°45′41″ пн. ш. 30°43′33″ у. д.HGЯO Першая згадка XX стагоддзе Баркі Баркі

У сувязі з радыяцыйным забруджваннем пасля Чарнобыльскай катастрофы жыхары (12 сем'яў) пераселены ў чыстыя месцы.

Геаграфія

Размяшчэнне

У 12 км на паўночны ўсход ад раённага цэнтра і чыгуначнай станцыі Буда-Кашалёўская (на лініі Жлобін — Гомель), 35 км ад Гомелю.

На поўдні мяжуе з лесам.

Транспартная сетка

Транспартныя сувязі па прасёлкавай дарозе, затым па шашы Доўск — Гомель.

Планіроўка складаецца з кароткай просталінейнай мерыдыянальнай вуліцы, забудаванай драўлянымі дамамі сядзібнага тыпу.

Гісторыя

Заснаваны напачатку XX стагоддзя перасяленцамі з суседніх вёсак. У 1926 годзе ў Чачэрскім раёне Гомельскай акругі. У 1931 годзе жыхары ўступілі ў калгас. У 1959 годзе ўваходзіў у склад калгаса «Іскра» (цэнтр — вёска Забалоцце). Да 6 студзеня 1965 года пасёлак уваходзіў у склад Халоцкага сельсавета^[1], пасля — у складзе Рагінскага сельсавета, з 18 студзеня 1965 года — у складзе Забалоцкага сельсавета^[2].

Насельніцтва

Колькасць

• 2010 год — жыхароў няма.

Дынаміка

• 1926 год — 10 двароў, 51 жыхар.
• 1959 год — 76 жыхароў (паводле перапісу).
• 1980-90-я — жыхары (12 сем’яў) пераселены.