Барысаўдрэў

«Барысаўдрэў» — дрэваапрацоўчае прадпрыемства ў горадзе Барысаве. Размешчаны па вуліцы 30 год ВЛКСМ, 18, на беразе р. Бярэзіны.

«Барысаўдрэў»
Тып	Адкрытае акцыянернае таварыства
Краіна	Беларусь
Галіна	Лясная прамысловасць
Прадукцыя	запалкі, фанера, драўнянавалакністыя пліты

Гісторыя

Утворана ў 1971 годзе як вытворчае дрэваапрацоўчае аб’яднанне «Барысаўдрэў» на базе Барысаўскага фанерна-запалкавага камбіната, які дзейнічаў з 1901 як Барысаўская запалкавая фабрыка «Бярэзіна». Уключаў Барысаўскі дрэваапрацоўчы камбінат (да 1991), Барысаўскі леспрамгас (да 1993). З 1998 года адкрытае акцыянернае таварыства «Барысаўдрэў». З 2003 года Барысаўскі леспрамгас у складзе «Барысаўдрэў» на правах цэха^[1].

У жніўні 2009 года да «Барысаўдрэў» далучана Сіняўская мэблевая фабрыка ў якасці цэха (вытворчасць мэблі «Сіняўка»). У кастрычніку 2013 года — участак лесапілавання в. Святліца (Бярэзінскі раён)^[2].

Прадукцыя

Асноўная прадукцыя (2005): запалкі, фанера, драўнянавалакністыя пліты, дзелавая драўніна, піламатэрыялы і інш. Каля 50 % з аб’ёму гатовай прадукцыі ідзе на экспарт^[1] у Расію, Германію, Казахстан, Узбекістан, Таджыкістан, Грузію, Малдову, Арменію, Азербайджан, Польшчу, Літву^[3].

Фірменныя магазіны працуюць у Барысаве, Асіповічах і а. Сіняўка Клецкага раёна^[4].

Зноскі

1. «Борисовдрев» // Республика Беларусь: Энциклопедия в 7 т. Т. 2: А — Герань / редкол. Г. П. Пашков и др. — Минск: БелЭн, 2006. — 912 с : ил. — ISBN 985-11-0341-1. — ISBN 985-11-0371-3 (Т. 2).
2. Барысаўдрэў. Гісторыя Архівавана 24 чэрвеня 2018.
3. Барысаўдрэў. Экспарт Архівавана 24 чэрвеня 2018.
4. Беларускі вытворча-гандлёвы канцэрн лясной, дрэваапрацоўчай і цэлюлозна-папяровай прамысловасці. «БАРЫСАЎДРЭЎ», ААТ (нявызн.)(недаступная спасылка). Архівавана з першакрыніцы 13 жніўня 2018. Праверана 20 чэрвеня 2018.