Барысаў (станцыя)

У паняцця ёсць і іншыя значэнні, гл. Барысаў (значэнні).

Бары́саў (трансліт.: Barysaŭ, руск.: Борисов)^[1] — станцыя Мінскага аддзялення Беларускай чыгункі ў Барысаўскім раёне Мінскай вобласці. Размешчана ў горадзе Барысаве; на лініі Орша-Цэнтральная — Мінск-Пасажырскі, паміж прыпыначнымі пунктамі Беразіна і Пячынскі.

Станцыя
Барысаў
Беларуская чыгунка
Будынак чыгуначнага вакзала ў Барысаве
Аддзяленне чыг.	Мінскае аддзяленне
Дата адкрыцця	1871
Код у АСКЧТ	141406
Код у «Экспрэс-3»	2100305
Барысаў
Медыяфайлы на Вікісховішчы

Чыгуначная катастрофа 1997 года

Чыгуначная катастрофа здарылася 23 жніўня 1997 года. Таварны цягнік, які перавозіў цыстэрны з гаручымі рэчывамі, адыходзіў ад станцыі Барысаў у 12:52 у аршанскім напрамку, і нечакана сышоў з рэек. Гаручыя рэчывы (бензін, дызельнае паліва, прапан і бутан) загарэліся і пажар ахапіў 1500 кв. м. плошчы, ад чаго маглі загарэцца іншыя цягнікі з гаручым. Міліцыя і вайскоўцы ачапілі месца трагэдыі і эвакуіявалі людзей з небяспечнай зоны. Пажарныя змагаліся з узгараннем каля 4-х гадзін, пры гэтым адзін з іх, Аляксандр Хоміч, атрымаў апёкі падчас ліквідацыі пажара і пазней за гэта стаў 1-м кавалерам ордэна «За асабістую мужнасць»^[2].