Барыс Іпалітавіч Трусевіч

Барыс Іпалітавіч Трусе́віч (5 жніўня 1892, Віцебск — 14 лістапада 1961) — беларусі тэрапеўт^[4]. Акадэмік АН Беларусі (1956, член-карэспандэнт з 1953 г.). Доктар медыцынскіх навук (1943)^[4], прафесар (1934). Заслужаны дзеяч навукі Беларусі (1946)^[4].

Барыс Іпалітавіч Трусевіч
Дата нараджэння	24 ліпеня (5 жніўня) 1892
Месца нараджэння	Віцебск, Віцебская губерня, Расійская імперыя
Дата смерці	14 лістапада 1961(1961-11-14) (69 гадоў)
Месца смерці	Мінск, Беларуская ССР, СССР
Месца пахавання	Усходнія могілкі
Грамадзянства	Расійская імперыя  СССР
Род дзейнасці	урач, выкладчык універсітэта, загадчык лабараторыі, медыцынскі адміністратар, тэрапеўт, галоўны ўрач, загадчык кафедры
Навуковая сфера	медыцына
Месца працы	медыцынскі факультэт БДУ Мінскі медыцынскі інстытут Міністэрства аховы здароўя БССР ІПКіПКАЗ медыцынскі факультэт Кіеўскага ўніверсітэта[d] Гарадская бальніца № 1 імя М. А. Сямашкі[d] Самаркандскі медыцынскі інстытут[d] Таджыкскі дзяржаўны медыцынскі ўніверсітэт[d]
Навуковая ступень	доктар медыцынскіх навук[1] (1943)
Навуковае званне	прафесар (1934)[1] акадэмік Акадэміі навук Беларускай ССР (1956)[2]
Альма-матар	медыцынскі факультэт Кіеўскага ўніверсітэта[d] (1916)[3]
Узнагароды

У Вікіпедыі ёсць артыкулы пра іншых людзей з прозвішчам Трусевіч.

Біяграфія

Навучаўся ў гімназіі ў Мазыры. У 1910 годзе скончыў гімназію ў Кіеве^[5]. Скончыў медыцынскі факультэт Кіеўскага ўніверсітэта (1916)^[4]. Удзельнік 1-й сусветнай вайны, ваенны ўрач (1916—1918). У 1918—1928 гг. працаваў у лячэбных установах у Кіеве і Растове-на-Доне, паралельна займаўся навуковымі даследаваннямі. 3 1928 г. у Мінску, асістэнт, потым дацэнт медыцынскага факультэта БДУ (з 1930 г. Беларускі медыцынскі інстытут), з 1934 г. загадчык 2-й тэрапеўтычнай клінікі, адначасова загадчык кафедры інфекцыйных хвароб Мінскага медінстытута^[4]. У гады Вялікай Айчыннай вайны ў эвакуацыі, у 1941—1943 гг. загадчык тэрапеўтычнай кафедры Самаркандскага, потым Сталінабадскага медінстытутаў. 3 1944 г. зноў у Мінску, загадчык кафедры факультатыўнай тэрапіі Мінскага медінстытута, адначасова прафесар і загадчык кафедры тэрапіі Беларускага інстытута ўдасканалення ўрачоў^[4]. У 1952—1954 гг. галоўны тэрапеўт Міністэрства аховы здароўя БССР. Дэпутат Вярхоўнага Савета БССР (1955—1959)^[4].

Навуковая праца

Аўтар 60 навуковых прац (у тым ліку 8 манаграфій) у галіне клінічных і эксперыментальных даследаванняў унутранай паталогіі і інфекцыйных захворванняў^[4].

Распрацаваў методыку пальпацыі малой крывізны страўніка, падстраўнікавай залозы, новую мадыфікацыю пальпацыі нырак, прапанаваў бесперапынную перкусію  (руск.) грудной клеткі, методыку выяўлення дыясталічнага шуму пры недастатковасці клапанаў аорты ў так званай шостай кропцы, выяўлення шуму трэння плеўры і перыкарда^[4].

Сярод апублікаваных работ Б. І. Трусевіча:

• Материалы к проблеме острой сосудистой недостаточности. — Мн. 1950;
• Примерный план обследования больного в терапевтической клинике. 4 изд. — Мн., 1961.

і інш.

Узнагароды

• 3 ордэна Працоўнага Чырвонага Сцяга,
• медаль «За доблестный труд в Великой Отечественной войне 1941—1945 гг.»,
• медаль «За победу над Германией в Великой Отечественной войне 1941—1945 гг.»
• Ганаровая грамата Вярхоўнага Савета Беларусі

і інш.

Зноскі

1. http://unicat.nlb.by/opac/pls/dict.prn_ref?tu=r&tq=v0&name_view=va_aall&a001=BY-SEK-199276&strq=l_siz=20
2. https://www.bsmu.by/page/55/3061/
3. https://web.archive.org/web/20221120050712/https://www.bsmu.by/page/55/3061/
4. т. 5. Биографический справочник. Мн: Издательство «Белорусская советская энциклопедия» имени Петруся Бровки, 1982. 29 с.
5. Біяграфія на сайце Беларускай медыцынскай акадэміі паслядыпломнай адукацыі Архівавана 13 ліпеня 2014. (руск.)