Барыс Аляксандравіч Залкінд

Барыс Аляксандравіч Залкінд (руск.: Залкинд Борис Александрович; 26 чэрвеня 1894, в. Скрыгалаў, Мазырскі раён, Гомельская вобласць — 1971, Масква) — савецкі вучоны ў галіне тэрапіі. Доктар медыцынскіх навук (1936), прафесар (1940).

Барыс Аляксандравіч Залкінд
Дата нараджэння	26 чэрвеня 1894(1894-06-26)
Месца нараджэння	Скрыгалаў, Слабода-Скрыгалаўская воласць[d], Мазырскі павет, Мінская губерня, Расійская імперыя
Дата смерці	1971
Месца смерці	Масква, РСФСР, СССР
Грамадзянства	СССР
Род дзейнасці	урач
Месца працы	Днепрапятроўская дзяржаўная медыцынская акадэмія
Навуковая ступень	доктар медыцынскіх навук
Альма-матар	Павійскі ўніверсітэт (1918)

У Вікіпедыі ёсць артыкулы пра іншых людзей з прозвішчам Залкінд.

Біяграфія

Пасля заканчэння ў 1918 годзе медыцынскага факультэта Павійскага ўніверсітэта (Італія) працаваў асістэнтам, а ў 1923 годзе — дацэнтам терапеўтычнай клінікі горада Павія. З 1925 года — загадчык кафедры туберкулёзу Екацерынаслаўскага медыцынскага інстытута. У 1932—1939 гадах загадчык кафедры тэрапіі Днепрапятроўскага інстытута ўдасканалення ўрачоў. Адначасова (з 1935 года) загадчык кафедры тэрапіі Днепрапятроўскага медыцынскага інстытута. У 1942—1944 гадах галоўны тэрапеўт Паўночна-Заходняга і 2-га Беларускага франтоў. З 1944 года — загадчык кафедры шпітальнай тэрапіі Днепрапятроўскага медыцынскага інстытута.

Аўтар больш за 30 навуковых прац, якія галоўным чынам прысвечаны вывучэнню бялкоў сыроваткі крыві.

Зноскі