Барыс Уладзіміравіч Нічкоў

Барыс Уладзіміравіч Нічкоў (24 верасня 1938, Свярдлоўск, РСФСР — 3 лістапада 2018) — беларускі музыкант-габаіст, педагог. Заслужаны артыст Беларускай ССР (1983). Доктар мастацтвазнаўства (Расія, 2006).

Барыс Уладзіміравіч Нічкоў
Дата нараджэння	24 верасня 1938(1938-09-24)
Месца нараджэння	Свярдлоўск, Свярдлоўская вобласць, РСФСР, СССР
Дата смерці	3 лістапада 2018(2018-11-03) (80 гадоў)
Альма-матар	Уральская кансерваторыя імя М. П. Мусаргскага (1961)
Месца працы	Нацыянальны акадэмічны народны аркестр Рэспублікі Беларусь імя Іосіфа Жыновіча Сімфанічны аркестр Нацыянальнай дзяржаўнай тэлерадыёкампаніі Рэспублікі Беларусь[d] Нацыянальны акадэмічны Вялікі тэатр оперы і балета Рэспублікі Беларусь Беларуская дзяржаўная акадэмія музыкі
Музычная дзейнасць
Прафесіі	габаіст, музычны педагог
Грамадская дзейнасць
Член у	Саюз музычных дзеячаў Беларусі БСТД
Узнагароды

Біяграфія

Скончыў у 1961 годзе Уральскую кансерваторыю ў Свярдлоўску.

У 1960—1966 гадах саліст Дзяржаўнага народнага аркестра Беларусі, аркестраў Беларускага тэлебачання і радыё, Дзяржаўнага тэатра оперы і балета Беларусі. З 1967 года выкладаў у Беларускай акадэміі музыкі, у 1981—1991 гадах (з перапынкам) загадчык кафедры, у 1986—1991 гадах — прарэктар па вучэбнай рабоце, з 1987 года прафесар. У 1972 годзе праходзіў асістэнтуру-стажыроўку ў Дзяржаўным музычна-педагагічным інстытуце імя Гнесіных.

У 1999 годзе абараніў кандыдацкую дысертацыю, у 2006 годзе — доктарскую.

Член Беларускага саюза музычных дзеячаў з 1991 года, член Беларускага саюза тэатральных дзеячаў з 1984 года.

Памёр 3 лістапада 2018 года.

Творчасць

Яго выканальніцкай манеры характэрны прыгажосць гуку, тэхнічная дасканаласць. Арганізатар і мастацкі кіраўнік ансамбля салістаў Дзяржаўнага аркестра сімфанічнай і эстраднай музыкі Беларусі (з 1993). Аўтар кнігі «Народныя духавыя інструменты ў музычнай культуры Беларусі» (1981). Лаўрэат Рэспубліканскага конкурсу выканаўцаў на духавых інструментах (1963). Сярод вучняў Л. Каліноўскі, Ю. Лікін, І. Ляшчышын, Л. Мурашка, С. Сяргеенка.

Узнагароды

Удастоены звання «Заслужаны артыст Беларускай ССР» (1983), узнагароджаны ордэнам Францыска Скарыны (2009).

Літаратура

• Сівалобчык Л. А. Нічкоў Барыс Уладзіміравіч // Беларуская энцыклапедыя: У 18 т. Т. 11: Мугір — Паліклініка / Рэдкал.: Г. П. Пашкоў і інш. — Мн. : БелЭн, 2000. — Т. 11. — 560 с. — 10 000 экз. — ISBN 985-11-0035-8. — ISBN 985-11-0188-5 (т. 11).
• Нічкоў Барыс Уладзіміравіч, доктар мастацтвазнаўства, музычнае мастацтва на сайце анлайн-энцыклапедыі «Беларусь у асобах і падзеях»