Барыс Яфімавіч Кабішчар

Барыс Яфімавіч Кабішчар (сапр. Борух Хаймавіч Кабішчар, 21 ліпеня 1906, Віцебск — 11 жніўня 1959, Мінск) — беларускі дзеяч цыркавога мастацтва. Заслужаны дзеяч мастацтваў БССР (1956). Зрабіў значны ўклад у развіццё цыркавога мастацтва Беларусі.

Барыс Яфімавіч Кабішчар
Дата нараджэння	21 ліпеня 1906(1906-07-21)
Месца нараджэння	Віцебск, Віцебская губерня, Расійская імперыя
Дата смерці	11 жніўня 1959(1959-08-11) (53 гады)
Месца смерці	Мінск, Беларуская ССР, СССР
Месца пахавання	Усходнія могілкі
Грамадзянства	Расійская імперыя  СССР
Прафесія	цыркавы рэжысёр
Узнагароды
Медыяфайлы на Вікісховішчы

У Вікіпедыі ёсць артыкулы пра іншых людзей з прозвішчам Кабішчар.

Біяграфія

Нарадзіўся 21 ліпеня 1906 года ў Віцебску.

Дырэктар цыркаў: Віцебскага (1931—1933), Мінскага, Віцебскага, Магілёўскага, Гомельскага, Бабруйскага (1933—1941), Омскага  (руск.), Новасібірскага, Цюменскага  (руск.), Свярдлоўскага  (руск.) (1941—1947), Мінскага (1947—1959). У 1937—1940 гадах адначасова дырэктар Гарадскога тэатра ў Віцебску.

Памёр 11 жніўня 1959 года ў Мінску ў глядацкай зале новага будынка мінскага цырка падчас рэпетыцыі першага сезону. У памяць аб ім артысты аб’явілі двухтыднёвую жалобу, а па яе заканчэнні закрылі сезон. Новы пачаўся толькі ў верасні таго ж года^[1][2].

Пахаваны ў Мінску на Усходніх могілках.

Сям’я

• Жонка — Соф’я Абрамаўна Кабішчар (1904—1980).
• Сын — Уладзімір Барысавіч Кабішчар (1936—1985).

Узнагароды

• ордэн «Знак Пашаны»,
• заслужаны дзеяч мастацтваў БССР^[1].

Зноскі

1. Борис Кабищер (руск.)
2. История. Послевоенный и советский период Архівавана 30 сакавіка 2019. (руск.)