Батальён імя Аўраама Лінкальна

Не блытаць з XV інтэрбрыгада імя Аўраама Лінкальна.

Батальён імя Аўраама Лінкальна (англ.: Lincoln Battalion, ісп.: Batallón Abraham Lincoln) — падраздзяленне амерыканскіх добраахвотнікаў са складу 15-й інтэрбрыгады, якое змагалася ў грамадзянскай вайне ў Іспаніі на баку рэспубліканцаў.

Батальён імя Аўраама Лінкальна
Сцяг батальёна.
Гады існавання	1936—1938
Краіна	Другая Іспанская Рэспубліка
Падпарадкаванне	Інтэрнацыянальныя брыгады
Уваходзіць у	XV інтэрбрыгада імя Аўраама Лінкальна
Тып	батальён
Заступнік	Аўраам Лінкальн
Удзел у	Грамадзянская вайна ў Іспаніі

Гісторыя

Батальён сфарміраваны ў 1936 годзе пераважна з ліку амерыканскіх камуністаў пры падтрымцы Камуністычнага інтэрнацыяналу. Падраздзяленне назвалі ў гонар 16-га прэзідэнта ЗША Аўраама Лінкальна. Батальён першапачаткова меў тры роты, дзве пяхотныя і адзін кулямётны. У 1937 годзе батальён Лінкальна трапіў у склад 15-й інтэрбрыгады. Улетку злучэнне аб’яднана з батальёнам Вашынгтона ў батальён Лінкальна—Вашынгтона. Увосень 1938 гады рэспубліканцы пачынаюць расфармоўваць усе замежныя падраздзяленні. На студзень 1939-га большая частка байцоў баталона пакінула Іспанію, але некаторыя знаходзіліся ў палоне ў нацыяналістаў аж да канца вайны.

За час свайго знаходжання ў Іспаніі батальён прыняў удзел у многіх бітвах. Да найболей значных можна аднесці бітву пры Брунетэ, бітву за Сарагосу, бітву пры Бельчытэ, Тэруэльскую аперацыю і бітву на Эбра.

Асабісты склад

Праз батальён прайшло 3015 чалавек^[1], у тым ліку 85 афраамерыканцаў^[2]. У ім і брыгадзе наогул служылі, апроч ўраджэнцаў ЗША, канадцы, брытанцы, ірландцы, грэкі, югаславы, кубінцы і прадстаўнікі іншых нацыянальнасцяў. У 1938-м у падраздзяленне інтэграваныя іспанцы.

Камандзіры

У розны перыяд батальён узначальвалі:

• Джэймс Харыс
• Роберт Хэйл Мэрымен
• Марцін Хурыхан
• Олівер Лоў
• Мірка Маркавічс
• Стыў Нэльсан
• Ханс Амлі
• Леанард Лэмб
• Філ Дэтро
• Дэвід Морыс Рэйс
• Аарон Лапоф
• Мілтан Вольф

Памяць

У цяперашні час у ЗША знаходзяцца 4 манументы, прысвечаныя батальёну Лінкальна:

• У горадзе Сіэтл, на тэрыторыі студэнцкага мястэчка Вашынгтонскага ўніверсітэта.
• У парку Джэймса Мэдысана, у Мадысан.^[3]
• У Сан-Францыска.
• У паўночнай частцы Гарадскога каледжа Нью-Ёрка.

Зноскі

1. Sandvick, Clinton. The Abraham Lincoln Brigade: the Historiography of the American soldiers in the Spanish American War Dailyhistory.org (Updated September 28, 2021). Retrieved September 28, 2021.
2. Soto, Isabel. "'I Knew that Spain Once Belonged to the Moors': Langston Hughes, Race, and the Spanish Civil War", Research in African Literature vol. 45 (2014): 137.
3. ALBA — Announcements — Madison Monument dedication Архівавана 7 кастрычніка 2007 года.