Батыўля

Баты́ўля — рака ў Лельчыцкім і Ельскім раёнах Гомельскай вобласці Беларусі, левы прыток ракі Славечна (басейн Дняпра).

Батыўля
Характарыстыка
Даўжыня	36,5 км
Басейн	734 км²
Расход вады	3,2 м³/с (у вусці)
Вадацёк
Выток
• Месцазнаходжанне	за 2,5 км ад вёскі Заброддзе
• Каардынаты	51°43′59″ пн. ш. 28°33′47″ у. д.HGЯO
Вусце	Славечна
• Каардынаты	51°39′16,50″ пн. ш. 29°00′42″ у. д.HGЯO
Ухіл ракі	0,3 м/км
Размяшчэнне
Водная сістэма	Славечна → Прыпяць → Дняпро → Чорнае мора
Краіна	Беларусь
Рэгіён	Гомельская вобласць
Раёны	Лельчыцкі раён, Ельскі раён
выток вусце
— выток, — вусце

Гідраграфія

Даўжыня ракі 36,5 км, 33,9 км з іх у Ельскім раёне. Плошча вадазбору 808 км². Сярэднегадавы расход вады ў вусці 3,6 м³/с. Сярэдні нахіл воднай паверхні 0,3 ‰.

Пачынаецца за 2,5 км на паўночны ўсход ад вёскі Заброддзе Лельчыцкага раёна, цячэ па раўніне Мазырскае Палессе. Упадае ў Славечну прыкладна за 2 км на паўночны захад ад пасёлка Зялёны Бор. Даліна слабавыразная, месцамі адсутнічае, шырынёй 0,8—1,6 км. Абалона вузкая, забалочаная.

Вадазбор у межах Мазырскага Палесся. 56 % пакрыта лесам (14 % — забалочаным, 42 % — сухім). Сярэдняя вышыня вадазбору 142 м.

Рэчышча на ўсім працягу каналізавана. Берагі стромкія, абрывістыя, радзей спадзістыя і забалочаныя.

На перыяд вясновага разводдзя прыпадае да 45 % гадавога сцёку.

Рака выкарыстоўваецца як водапрыёмнік меліярацыйных сістэм. Асноўныя прытокі: каналы Забродскі, Гала, Валаўскі (справа), Зашыр’еўскі, Лукаўцы, Высока-Махнавіцкі, Белякоўскі (злева). У пойме ракі каля аграгарадка Зашыр’е Ельскага раёна створана наліўная сажалка плошчай 20 га.

Працякае па тэрыторыі мясцовага заказніка «Ельскі».