Белаазёрскі сельсавет

Белаазё́рскі сельсавет — былая адміністрацыйна-тэрытарыяльная адзінка ў складзе Бярозаўскага раёна Брэсцкай вобласці Беларусі. Цэнтр — горад Белаазёрск (не ўваходзіў у склад).

Белаазёрскі сельсавет
Краіна	Беларусь
Уваходзіць у	Бярозаўскі раён
Уключае	6 населеных пунктаў
Адміністрацыйны цэнтр	Белаазёрск (не ўваходзіў у склад)
Дата ўтварэння	15 сакавіка 1971
Дата скасавання	17 верасня 2013
Насельніцтва (2009)	1 749
Часавы пояс	UTC+03:00
Код аўтам. нумароў	1

Утвораны 15 сакавіка 1971 года ў Бярозаўскім раёне Брэсцкай вобласці БССР у складзе населеных пунктаў Альшэва, Лісічыцы, Манявічы, Нівы, Ніўкі, Хрыса, якія знаходзіліся ў падпарадкаванні Белаазёрскага гарсавета^[1]. На 1 студзеня 1974 года ў складзе сельсавета было 6 населеных пунктаў^[2]. 17 верасня 2013 года сельсавет скасаваны, тэрыторыя далучана да Пескаўскага сельсавета^[3].

Насельніцтва сельсавета паводле перапісу 2009 года — 1749 чалавек^[4], з іх 97,2 % — беларусы, 1,7 % — рускія^[5].

На момант скасавання ў склад сельсавета ўваходзілі 6 вёсак: Альшэва, Лісічыцы, Манявічы, Нівы, Ніўкі і Хрыса.