Беларускі гістарычны часопіс

Беларускі гістарычны часопіс — беларускі навукова-тэарэтычны, навукова-метадычны ілюстраваны часопіс.

«Беларускі гістарычны часопіс»
Тып	часопіс
Заснавальнік	Міністэрства адукацыі Рэспублікі Беларусь, выдавецтва «Адукацыя і выхаванне», Інстытут гісторыі НАНБ, Беларускі дзяржаўны ўніверсітэт
Выдавец	Адукацыя і выхаванне
Краіна	Беларусь
Галоўны рэдактар	Аляксандр Аляксандравіч Корзюк
Тэматыка	гістарычныя навукі, мастацтвазнаўства, педагагічныя навукі (агульная педагогіка, гісторыя педагогікі і адукацыі, тэорыя і методыка выкладання гісторыі)
Мова	беларуская, руская
Перыядычнасць	штомесяц
Аб’ём	11,2 улікова-выдавецкага аркуша
Галоўны офіс	220073, Мінск, вул. Кальварыйская, 25, пакой 408.
Тыраж	500
ISSN	1993-1999

Гісторыя

Заснаваны ў 1993 годзе. Спачатку выдаваўся 4 разы на год. З 2002 года ўваходзіць у склад выдавецтва «Адукацыя і выхаванне». З ліпеня 2003 года выходзіць штомесяц.

Уключаны ў Пералік навуковых выданняў Вышэйшай атэстацыйнай камісіі Рэспублікі Беларусь для апублікавання вынікаў дысертацыйных даследаванняў па гістарычных навуках, мастацтвазнаўстве, педагагічных навуках (агульная педагогіка, гісторыя педагогікі і адукацыі, тэорыя і методыка выкладання гісторыі).

Змяшчае матэрыялы па гісторыі беларускай дзяржаўнасці, палітычнай, эканамічнай, аграрнай, ваеннай, канфесійнай гісторыі, гісторыі палітычных партый і рухаў, па праблемах палітычнага і грамадскага жыцця, гісторыі адукацыі, методыцы выкладання гісторыі і іншых, якія дапамагаюць навукоўцам, выкладчыкам, настаўнікам і студэнтам больш дакладна арыентавацца ў розных поглядах на праблемы гістарычнай навукі, адукацыі і выхавання моладзі.

Галоўныя рэдактары

• Васіль Фёдаравіч Кушнер (1993—2011)
• Максім Навумавіч Гальпяровіч (2011—2021)
• Аляксандр Аляксандравіч Корзюк (з 2022)

Спасылкі

• БЕЛАРУСКІ ГІСТАРЫЧНЫ ЧАСОПІС(нявызн.). РУП «Издательство «Адукацыя і выхаванне» (13 верасня 2023). Праверана 13 мая 2025.