Вышэйшая атэстацыйная камісія Рэспублікі Беларусь

Вышэйшая атэстацыйная камісія Рэспублікі Беларусь (ВАК Беларусі) — орган дзяржаўнага кіравання Рэспублікі Беларусь падначалены Прэзідэнту Рэспублікі Беларусь, які праводзіць дзяржаўную палітыку і рэалізуе функцыю дзяржаўнага рэгулявання ў галіне атэстацыі навуковых, у тым ліку навукова-педагагічных, работнікаў вышэйшай кваліфікацыі. ВАК Беларусі ў сваёй дзейнасці кіруецца Канстытуцыяй Рэспублікі Беларусь, Палажэннем аб Вышэйшай атэстацыйнай камісіі Рэспублікі Беларусь і іншымі актамі заканадаўства.

Вышэйшая атэстацыйная камісія Рэспублікі Беларусь
Высшая аттестационная комиссия Республики Беларусь
Краіна	Беларусь
Адрас	220072, Рэспубліка Беларусь, г. Мінск, пр. Незалежнасці, 66
Тып арганізацыі	Дзяржаўны орган
Кіраўнікі
Старшыня	Гучок Аляксандр Яўгенавіч
Заснаванне
Дата заснавання	18 верасня 1992
vak.gov.by/be

Гісторыя

Да 1991 года навуковыя ступені і званні навукоўцам і выкладчыкам вышэйшых навучальных устаноў Беларускай ССР прысвойваліся Вышэйшым атэстацыйным камітэтам СССР.

Вышэйшая атэстацыйная камісія створана ў 1992 годзе пры Савеце Міністраў Рэспублікі Беларусь^[1]. З 1995 года — Вышэйшы атэстацыйны камітэт. З 1997 года — Дзяржаўны вышэйшы атэстацыйны камітэт. З 2001 года — Вышэйшы атэстацыйны камітэт у складзе Камітэта па навуцы пры Савеце Міністраў Рэспублікі Беларусь. З 2002 года — Вышэйшая атэстацыйная камісія^[2].

Старшыні

• Анатоль Паўлавіч Дастанка (1992—2002)
• Анатоль Мікалаевіч Рубінаў (снежань 2002 — студзень 2006)
• Анатоль Аляксандравіч Афанасьеў (2006—2014)
• Генадзь Уладзіміравіч Пальчык (2014—2018)
• Аляксандр Яўгенавіч Гучок (з 26 чэрвеня 2018 года — па цяперашні час)

Узнагароды

• Ганаровая грамата Вышэйшай атэстацыйнай камісіі Рэспублікі Беларусь
• Падзяка Вышэйшай атэстацыйнай камісіі Рэспублікі Беларусь