Беластоцкае партызанскае злучэнне

Беластоцкае партызанскае злучэнне — было створана ў жніўні 1943 года паводле рашэння ЦК КП(б)Б і Беларускага штаба партызанскага руху. Злучэнне было сфарміравана на тэрыторыі Мінскай вобласці з атрадаў і груп, што ўваходзілі ў склад партызанскага злучэння Слуцкай зоны, агульная колькасць 744 (па іншых дадзеных 809 чалавек). На час злучэння з Чырвонай Арміяй (ліпень 1944 года; асобныя злучэнні выйшлі ў савецкі тыл у жніўні 1944) налічвала 4165 партызан.

Беластоцкае партызанскае злучэнне
Гады існавання	жнівень 1943 года — ліпень—жнівень 1944 года
Краіна	СССР
Падпарадкаванне	Беларускі штаб партызанскага руху
Уваходзіць у	Савецкі партызанскі рух у Беларусі
Тып	партызаны
Функцыя	змаганне з акупантамі
Колькасць	4165 партызан (ліпень 1944 года)
Войны	Другая сусветная вайна Вялікая Айчынная вайна
Удзел у	Вялікая Айчынная вайна
Камандзіры
Вядомыя камандзіры	Васіль Самуцін

Камандаванне

Партызанскае злучэнне ўзначальвалі 1-ы сакратар Беластоцкага падпольнага абкома КП(б)Б Васіль Емяльянавіч Самуцін (жнівень 1943 — ліпень 1944); начальнік штаба Піліп Піліпавіч Капуста (жнівень 1943 — ліпень 1944), І. А. Сянькевіч (выконваў абавязкі, люты — красавік 1944).

Структура

Партызанскае злучэнне яднала брыгады:

• Партызанская брыгада імя Аляксандра Неўскага;
• Партызанская брыгада імя Кастуся Каліноўскага;
• Партызанская брыгада імя П. К. Панамарэнкі;
• Партызанская брыгада імя В. І. Чапаева;
• Партызанская брыгада «У імя Радзімы»,

асобна дзеючыя партызанскія атрады:

• 550-ы партызанскі атрад;
• Партызанскі атрад «Баявы»;
• Партызанскі атрад «Баявы» імя Дунаева;
• Партызанскі атрад імя С. М. Будзённага;
• Партызанскі атрад імя Багдана Хмяльніцкага;
• Партызанскі атрад імя Ф. Э. Дзяржынскага;
• Партызанскі атрад імя Г. К. Жукава;
• Партызанскі атрад імя М. І. Калініна.

Дзейнасць

У верасні — лістападзе 1943 года злучэнне зрабіла 1000-кіламетровы баявы рэйд па тылу ворага з Капыльскага раёна Мінскай вобласці ў Беластоцкую вобласць. Брыгады і атрады базіраваліся галоўным чынам у Ліпічанскай і Ружанскай пушчах Баранавіцкай і Брэсцкай абласцей, дзейнічалі дробнымі падраздзяленнямі на тэрыторыі Беластоцкай вобласці.

Літаратура

• Беларусь у Вялікай Айчыннай вайне, 1941—1945: Энцыкл. / Рэдкал.: І. П. Шамякін (гал. рэд.) і інш. — Мн.: БелСЭ, 1990. — 680 с. — 20 000 экз. — ISBN 5-85700-012-2.