Белэнерга

Дзяржаўнае вытворчае аб'яднанне «Белэнерга», канцэрн «Белэнерга» — беларускі дзяржаўны энергетычны канцэрн, які ажыццяўляе кіраванне гаспадарчай дзейнасцю электраэнергетычнага комплексу Беларусі. Падначальваецца Міністэрству энергетыкі^[1]. Створаны ў 1995. Вытворчасць электраэнергіі магутнасцямі, якія знаходзяцца пад кіраўніцтвам «Белэнерга» — 30,11 млрд. кВт/гадзін (1995).

Дзяржаўнае вытворчае аб’яднанне электраэнергетыкі «Белэнерга»
Тып	Вытворчае аб’яднанне
Заснаванне	1931
Краіна	Беларусь
Размяшчэнне	Беларусь, Мінск
Адрас	Мінск
Ключавыя постаці	генеральны дырэктар Дрозд Павел Уладзіміравіч
Галіна	Энергетыка
Прадукцыя	электрычная і цеплавая энергія
Колькасць супрацоўнікаў	65000
Матчына кампанія	Міністэрства энергетыкі Рэспублікі Беларусь
Сайт	belenergo.by

Белэнерга

Асноўныя напрамкі дзейнасці:

• кіраванне Беларускай энергетычнай сістэмай;
• вытворчасць, перадача і размеркаванне электрычнай і цеплавой энергіі;
• падтрыманне ў належным стане электрастанцый, электрычных і цеплавых сетак;
• аператыўна-дыспетчарскае кіраванне тэхналагічным працэсам вытворчасці і паставак электраэнергіі;
• тэхнічны нагляд за станам электрастанцый і сеткавых аб'ектаў Беларускай энергетычнай сістэмы;
• арганізацыя работ, якія забяспечваюць збалансаванае развіццё энергасістэмы, у т. л. прагназаванне попыту на энергію, праектаванне, інвеставанне, будаўніцтва энергетычных аб'ектаў^[2];
• ліцэнзаванне вытворчасці электраэнергіі^[3].

Уключае ў сябе абласныя РУП (рэспубліканскія ўнітарныя прадпрыемствы) «Брэстэнерга», «Віцебскэнерга», «Гомельэнерга», «Гроднаэнерга», «Мінскэнерга», «Магілёўэнерга», а таксама 30 іншых прадпрыемстваў: РУП «Белэнергаахова», РУП «Белэнергааўтаматыка», УА «Мінскі дзяржаўны энергетычны каледж», ААТ «Белэнергабуд», ААТ «Цэнтрэнергамантаж»^[4] і інш.

У Сеціве

• http://www.energo.by Архівавана 8 лютага 2022. — афіцыйная старонка ДВА «Белэнерга»

Зноскі

1. Пералiк дзяржаўных арганізацый, падпарадкаваных Міністэрству энергетыкі(недаступная спасылка)// Афіцыйны сайт Міністэрства энергетыкі. Дата доступу: 21 мая 2009
2. ПІЛЕВІЧ У. Апора для энергетычнага будаўніцтва. Архівавана 18 мая 2021.
3. СОЎСЬ Г. Канцэрн "Белэнэрга" не дае ліцэнзіі на працу нямецкага ветрака ў Занарачы(недаступная спасылка)// Радыё "Свабода". 15 сакавіка 2001
4. ЛІТВІНАЎ М. Сяргей Белы, генеральны дырэктар канцэрна «Белэнерга» Архівавана 5 сакавіка 2016.// Звязда. 22 снежня 2005