Бенджамін Аптарп Гулд

У Вікіпедыі ёсць артыкулы пра іншых людзей з прозвішчам Гулд.

Бенджамін Аптарп Гулд (англ.: Benjamin Apthorp Gould; 27 верасня 1824, Бостан, Масачусетс, ЗША — 26 лістапада 1896, Кембрыдж, Масачусетс) — амерыканскі астраном.

Бенджамін Аптарп Гулд
англ.: Benjamin Apthorp Gould
Дата нараджэння	27 верасня 1824(1824-09-27)[1][2][…]
Месца нараджэння	Бостан, акруга Сафалк[d], Масачусетс, ЗША[1][3]
Дата смерці	26 лістапада 1896(1896-11-26)[2][4][…] (72 гады)
Месца смерці	Кембрыдж, акруга Мідлсекс[d], Масачусетс, ЗША[3]
Месца пахавання	могілкі Маўнт-Оберн[d][5]
Грамадзянства	ЗША
Бацька	Benjamin Apthorp Gould[d]
Маці	Lucretia Dana Gould[d][6]
Жонка	Mary Apthorp Quincy Gould[d]
Дзеці	Alice Bache Gould[d] і Benjamin Apthorp Gould (1870–1937)[d]
Род дзейнасці	астраном, пісьменнік
Навуковая сфера	Астраномія
Месца працы	Абсерваторыя Дадлі[d] Argentine National Observatory[d]
Альма-матар	Гарвардскі ўніверсітэт Гарвардскі каледж
Вядомы як	заснавальнік Амерыканскага астранамічнага часопіса, даследчык Пояса Гулда
Член у	Лонданскае каралеўскае таварыства Расійская акадэмія навук Пруская акадэмія навук Амерыканская асацыяцыя садзейнічання развіццю навукі[7] Амерыканская акадэмія мастацтваў і навук Нацыянальная акадэмія навук ЗША Гётынгенская акадэмія навук
Узнагароды	Залаты медаль Каралеўскага астранамічнага грамадства Медаль Джэймса Крэйга Ўотсана
Подпіс
Медыяфайлы на Вікісховішчы

Біяграфія

У 1844 скончыў Гарвардскі ўніверсітэт. У 1852 заснаваў Аддзел даўгот пры Берагавой службе ЗША і кіраваў ім да 1867, у 1855—1859 гг — таксама дырэктар абсерваторыі Дадлі, у 1870—1885 гг — дырэктар створанай ім Нацыянальнай абсерваторыі ў Кордаве (Аргенціна).

Заснаваў Амерыканскі астранамічны часопіс  (англ.) (The Astronomical Journal; AJ) — адно з вядучых астранамічных перыядычных выданняў, што выдаецца дагэтуль ад імя Амерыканскага астранамічнага таварыства. У 1849—1861 і 1885—1896 гг. — рэдактар выдання.

Першым прапанаваў выкарыстоўваць тэлеграф для геадэзічных прац і ў 1860 гэтым метадам вызначыў рознасць даўгот паміж Еўропай і Амерыкай. У 1866 кіруе вызначэннем розніцы даўгот паміж Еўропай і Амерыкай.

У 1879 апублікаваў атлас і каталог 10 649 паўднёвых зорак да 7-й зорнай велічыні, т.зв. «Аргенцінскую ўранаметрыю»^[8].

Звярнуў увагу і вывучыў (1879) кольца з яркіх зорак нахіленае на 18° у адносінах да галактычнага экватара (гэта кольца пазней было названа «поясам Гулда»), яно апынулася часткай мясцовай сістэмы Галактыкі (пояс выявіў Джон Гершэль у 1847).

У 1884 апублікаваў зонны каталог на 73160 зорак. У 1886 выдаў Аргенцінскі агульны каталог на 32448 зорак.

Член Нацыянальнай АН ЗША, замежны член-карэспандэнт Пецярбургскай АН (1875), член Лонданскага каралеўскага таварыства (1891), Парыжскай АН, Бюро даўгот у Парыжы, АН Аргенціны.

Памяць

У 1935 г. Міжнародны астранамічны саюз прысвоіў імя Гулда кратару на бачнаму боку Месяца.

Зноскі

1. Winslow E. Sketch of Professor B. A. Gould // Popular Science — New York: Bonnier Corporation, 1882. — Vol. 20. — ISSN 0161-7370; 0032-4647

   <a href='https://wikidata.org/wiki/Track:Q15987551'></a><a href='https://wikidata.org/wiki/Track:Q4942460'></a><a href='https://wikidata.org/wiki/Track:Q15987519'></a><a href='https://wikidata.org/wiki/Track:Q773087'></a>
2. Benjamin Apthorp Gould // Encyclopædia Britannica Праверана 9 кастрычніка 2017.

   <a href='https://wikidata.org/wiki/Track:Q5375741'></a>
3. Гулд Бенджамин Апторп // Большая советская энциклопедия: [в 30 т.] — 3-е изд. — М.: Советская энциклопедия, 1969. Праверана 28 верасня 2015.

   <a href='https://wikidata.org/wiki/Track:Q5061737'></a><a href='https://wikidata.org/wiki/Track:Q17378135'></a>
4. Benjamin Apthorp Gould // Brockhaus Enzyklopädie

   <a href='https://wikidata.org/wiki/Track:Q237227'></a>
5. Find a Grave — 1996.

   <a href='https://wikidata.org/wiki/Track:Q63056'></a>
6. Geni.com — 2006.

   <a href='https://wikidata.org/wiki/Track:Q2621214'></a>
7. https://books.google.de/books?id=Yp4WAQAAIAAJ&pg=PR27&dq=gould#v=onepage&q=gould&f=false Праверана 18 чэрвеня 2017.
8. URANOMETRIA ARGENTINA Архівавана 28 верасня 2015. (англ.)